Sənət

Qadın Qogenin çılpaq rəsminə hücum etdi

Qadın Qogenin çılpaq rəsminə hücum etdi
6 aprel 2011
# 13:15
Məşhur fransız rəssam Pol Qoqenin “Iki qız” əsərinə hücum edən qadın ikinci dərəcəli oğurluq və sərgidəki əşyalara zərər vurmağa cəhddən məhkəməyə cəlb edilib.

Hadisə aprelin 1-də Vaşinqtonda keçirilən Beynəlxalq Sənət Sərgisində baş verib. 53 yaşlı Suzan Börns adlı qadın dəyəri 80 milyon dollar olan tabloya dəfələrlə yumruq vurub və onu divardan qoparmağa çalışıb.

Beynəlxalq Sənət Sərgisin nümayəndələrinin yaydığı yazılı açıqlamada əsərin zərər görmədiyi bildirilib. Həmçinin, açıqlamada o da qeyd olunub ki, Qoqenin bu əsəri Nyu-Yorkdakı Metropoliten Sənət Muzeyində keçirilən “Qoqen: Əfsanə yaradıcısı” sərgisi silsiləsindən olub. Tablonun üzərində olan şəffaf plastik qoruyucu əsərin zərər görməsinin qarşısını alıb.

Börns ifadəsində Qoqenin günahkar olduğunu, onun əsərlərində təsvir olunmuş çılpaqlıqların uşaqlar üçün zərərli ola biləcəyini deyib. O, sırf bu səbəbdən də bu əsəri məhv etməyi qərara alıb.

Daha sonra “Bu əsərlər məhv olmalıdır. Hamınızı öldürəcəyəm” şəklində bəyanat verən qadının psixi vəziyyəti məhkəmə tərəfindən araşdırılacaq.

Suzan Börnsin əvvəllər də həbsdə yatdığı məlum olub. Belə ki, o, 2006-cı ildə polisə təcavüz və döymək cinayəti ilə 6 ay həbs cəzası alıb. 2002-ci ildə də başqasının ərazisinə icazəsiz girdiyinə görə məsuliyyətə cəlb olunub.

1848-1903-cü illərdə yaşamış fransız rəssam Pol Qoqen adı çəkilən əsəri 1891-ci ildə Taitiyə səyahəti vaxtı çəkib. Tabloda yerli qadınların portretləri əks olunub.

Günel Əsgərzadə
# 3533 dəfə oxunub

Oxşar xəbərlər

"Qal, sənə qurban" xalq mahnısıdır, yoxsa... - TARİXÇƏ

"Qal, sənə qurban" xalq mahnısıdır, yoxsa... - TARİXÇƏ

17:00 20 oktyabr 2026
Atın boynu əriyir, fəhlələr yox olur... - 33 yaşında faciəvi şəkildə ölən dahinin sirri

Atın boynu əriyir, fəhlələr yox olur... - 33 yaşında faciəvi şəkildə ölən dahinin sirri

18:40 19 oktyabr 2026
"Daşlaramı dəydi, sındı əhdimiz?" – Faiq Ağayevin klipindəki gizli mesaj nə idi?

"Daşlaramı dəydi, sındı əhdimiz?" – Faiq Ağayevin klipindəki gizli mesaj nə idi?

14:00 19 oktyabr 2026
Xeyir-şər mübarizəsində ilahi zəfər - "Müqəddəs Mikayıl mələkləri cəhənnəmə tullayır"

Xeyir-şər mübarizəsində ilahi zəfər - "Müqəddəs Mikayıl mələkləri cəhənnəmə tullayır"

12:00 18 oktyabr 2026
"Həyat və qadın Tanrının ən qiymətli hədiyyəsidir..." - Artur Millerdən sitatlar

"Həyat və qadın Tanrının ən qiymətli hədiyyəsidir..." - Artur Millerdən sitatlar

14:00 17 oktyabr 2026
"Bunu bir qiyafə inqilabına bənzətmək istəsələr də..." - Qızlar üçün məktəb, yoxsa hamı üçün məscid?

"Bunu bir qiyafə inqilabına bənzətmək istəsələr də..." - Qızlar üçün məktəb, yoxsa hamı üçün məscid?

10:00 17 oktyabr 2026
#
#
Ana səhifə Reels Yazarlar Xəbərlər