Sonunda bu da oldu….

Sənət

Ana səhifə
Sənət

Sonunda bu da oldu….

4 aprel 2011

11:24

Bütün dinlərdə qadağandır xəyanət. Bəzilərində isə ölümlə cəzalandırır. Xəyanəti boşanma üçün yetərli səbəb görür hüquq.

İnternetin inkişafı xəyanət üçün münbit şərait yaratdığını sosioloqlar həmişə qeyd edir. Lakin internet ünsiyyəti yalnızca vasitədir. O xəyanəti doğurmur, sadəcə onun gerçəkləşməsi üçün imkan yaradır.

İnternetdə tanışlıq saytları onlarla, yüzlərlədir. Burda tanış olub ailə quranlar olduğu kimi onlar ucbatından boşananlar da az deyil.

Mərkəzi Kanadanın Toronto şəhərində yerləşən Aşli Medison Agentliyi isə çılğın bir qərar alaraq xəyanət etmək istəyənlər üçün bir sayt açdı. Saytın devizi belədir: “Həyat çox qısadır. Bekar qalma”. Bu da saytın adresi: www.ashleymadison.com

Saytın ortaya çıxması böyük müzakirələri də bərabərində gətirib. Belə ki, sayt fəaliyyətinin əxlaqa uyğun olması barədə müxtəlif sosial şəbəkələrdə müzakirələr gedir. Mühafizəkarlar gərgin və əsəbidirlər.

Sayt rəhbərliyi isə təmkinlə “xəyanəti biz kəşf etmədik” deyirlər.

Sayta üzv olmaq pulsuzdur. Dostlar qəbul etmək, müəyyən saya qədər foto yükləmək də pulsuzdur. Şəxsi mesaj servisini almaq, eləcə də saytın daha çox imkanından yararlanmaq isə pulludur. Hər 20 saniyədə sayta bir üzv gəlir.