Viktor Pelevin ilk dəfə görünəcək

Sənət

Ana səhifə
Sənət

Viktor Pelevin ilk dəfə görünəcək - ANONS

19 may 2011

15:26

Rus yazıçısı Viktor Pelevin “Super milli bestseller” müsabiqəsinin təqdimatında iştirak edəcək. Kulis.az “Lenta.ru”ya istinadən məlumat verir ki, bu tədbirdə yazıçı ictimaiyyət arasında ilk dəfə görünəcək.

Yazıçı Viktor Pelevin - ən çox oxunan rus yazıçılarındandır. Pelevin demək olar ki, müsahibə vermir, şəkil çəkdirmir və ictimaiyyət arasında görünməyi sevmir. Ən son kitabı olan “Gözəl qadına ananas şirəsi” keçən ilin dekabr ayında çıxıb. Yazıçının azərbaycan dilinə tərcümə olunan yeganə romanı isə “Omon Ra”dır. Tərcümə Günel Mövluda məxsusdur.

“Super milli bestseller” mükafatının qalibləri mayın 29-da açıqlanaq. Bu mükafat “Milli bestseller” müsabiqəsinin on illik yubileyi münasibətilə təşkil olunub. Mükafatın qalibi əvvəlki illərin “MB” qalibləri arasından seçiləcək.

Müsabiqəyə Pelevinin “DPP”, Prileninin “Günah”, Proxanovun “Cənab Hersoq” əsərləri də qatılıb. “Super MB”-nin qalibini 100 min dollar mükafat gözləyir.

Günel ƏSGƏRZADƏ