Kannda son tanqo - MÜKAFAT

Sənət

Ana səhifə
Sənət

Kannda son tanqo - MÜKAFAT

12 may 2011

13:45

64. Kann Film Festivalının fəxri mükafatı italyan rejissor Bernardo Bertoluççi verildi.

71 yaşlı rejissora “Qızıl Palma Budağı”nı festivalın direktoru Jil Jakob təqdim edib. Kulis.az-ın “Reuters”ə istinadən verdiyi xəbərə görə, Bertoluççi nitqində mükafatını fəaliyyətdə olan bütün italyan rejissorları ilə bölüşmək istədiyini deyib.

“Parisdə son tanqo” filminin rejissoru Bertoluççi yeni film üzərində işlədiyini də qeyd edib. “Mən və sən” adlı film 3D formatında çəkiləcək.

Mayın 11-i start verilən 64-cü Kann Film Festivalı on gün davam edəcək. Festival Vudi Alenin “Parisdə gecəyarı” filmi ilə dünən açılışını edib.