Venesuela Kubaya internet verdi

Sənət

Ana səhifə
Sənət

Venesuela Kubaya internet verdi

2 mart 2011

15:39

Venesuela ilə Kubanı dəniz altından birləşdirən fiberoptik kabelin ölkənin internet məkanında böyük bir dönüşə səbəb olacağı bildirilir.

BBC-nin verdiyi xəbərə görə, internetin sürətlənməsi ilə yanaşı telefon danışıqları da ucuzlaşacaq.

1600 kilometrlik fiberoptik kabel xətti Venesuela Prezidenti Huqo Çavezin qurduğu ALBA (Bizim Amerikamız Bolivar İttifaqı) adlı təşkilat tərəfindən maliyyələşdirilir.

Kubanın İnformasiya və Əlaqələr Naziri Medardo Diaz iyulda fəaliyyətə başlayacaq bu layihənin birliyin və ölkə suverenliyinin güclənməsinə böyük töhfələr verəcəyini vurğulayıb. O, sözügedən proyektin: “Kubanın müstəqilliyini gücləndirəcək və 50 ilə yaxın davam edən Amerika mühasirəsində bir çat açacağını”, – söyləyib.

Kubada indiyə qədər internet və beynəlxalq telefon bağlantıları peyk vasitəsilə yaradılırdı. Bu da bağlantının yavaş və bahalı olmasına səbəb olurdu.

Ölkədə 2009-cu ildə bəzi kafe və otellərdə internetə sərbəst bağlanmaq imkanının olmasına baxmayaraq bu yalnız dövlət nəzarət və icazəsi ilə mümkün olurdu.

Kubada xalqın yüzdə 3 hissəsinin internete çıxışı var. Kubadakı kommunist idarəetmə sistemi bunu Amerikan embarqosu ilə əlaqələndirir.