Kann festivalı Misir və Tunis xalqına dəstək verir

Sənət

Ana səhifə
Sənət

Kann festivalı Misir və Tunis xalqına dəstək verir

2 may 2011

12:52

Bu il Kann festivalı fransız rejissoru Kristof Onorenin “Sevgililər” (Les Bien-aimes) musiqli filmi ilə bağlanacaq.

Festivalın rəsmi saytının verdiyi xəbərə görə, filmdə Katrin Denev, Miloş Forman, Kiara Mastroyanni və başqaları rol alıblar.

Hadisələr tamaşaçıya 60-cı illər Praqasını, 80-ci illər Londonunu, 11 sentyabr hadisələrindən sonrakı dünyanı və müasir Parisi göstərəcək.

40 yaşlı Onore öz nəslinin məşhur rejissorlarından biridir.
2007-ci ildə onun Kann festivalında "Bütün mahnılar yalnız sevgi haqda” (Les chansons d amour) filmi nümayiş olunub.

Kann festivalının direktoru Jil Jakob onu da deyib ki, baş vermiş faciəli hadisə ilə bağlı Yaponiyaya həsr olunmuş özəl proqram hazırlanıb.

J.Jakobun sözlərinə görə, kinoforumda cəsarətlərinə ehtiram olaraq çətin zamanlarını yaşayan Tunis və Misir xalqı də yad ediləcək.
Misir festivalda xüsusi qonaq statusu alacaq.

Yeri gəlmişkən, Devid Kronenberq, Frensis Ford Koppola və Vonq Kar-vay kimi tanınmış rejissrolar filmlərini bitirə bilmədikləri üçün festivala qatılmayayıblar.

Rəna NEVZAT