iPhone casus deyil!

Sənət

Ana səhifə
Sənət

iPhone casus deyil!

27 aprel 2011

17:07

Apple şirkətinin rəhbəri Stiv Cobs iPhone telefonlarının sahibini izləməsi ilə bağlı iddialara aydınlıq gətirib: “Biz heç kimi izləmirik. iPhone casus deyil. Ancaq Androidlər üçün eyni şeyi deyə bilmərəm”.

Bir neçə gün əvvəl iPhone, iOS sistemindəki “consolidated.db” adlı faylda istifadəçilərinin olduğu yeri qeyd etməsində ittiham olunurdu.

Daha sonra isə Androidlərdə də oxşar izləmə sisteminin olduğu bildirildi.

Bu izləmə iddialarından narahat olan bir iPhone istifadəçisi Cobsa belə bir məktub yollayıb:

“Stiv, iPhone-nun içində yerləşdirilmiş və mənim olduğum yerlərin qeydini aparan bir fayl iPhone üçün bu qədər vacib idi? Olduğum yerlərin qeydə alındığını bilmək çox böyük narahatlıqdır. Bəlkə özümə Android telefonu almamışdan əvvəl məni bu barədə məlumatlandırasınız. Ən azından onlar məni izləmir”.

Stiv Cobs isə belə cavab verib: “Xeyr, Android edir. Biz isə təqib etmirik. Bu haqda məlumatlar yalandır”.

Qeyd edək ki, yaxın günlərdə Stiv Cobsun bütün bu iddialarla bağlı mediaya daha geniş məlumat verəcəyi gözlənilir.

Apple şirkətinin məhsulları olan iPhone hazırda dünyada satışı sürətlə artan smart telefonlardır. Şirkətə qarşı belə iddiların irəli sürülməsi iPhone-a olan marağı azalda bilər. Apple rəhbərliyi məhz bundan narahatdır.

Günel Əsgərzadə