Sənət

ABŞ-da ilk dəfə “Leyli və Məcnun” operası nümayiş etdirilib

ABŞ-da ilk dəfə “Leyli və Məcnun” operası nümayiş etdirilib
12 noyabr 2012
# 12:20
ABŞ-ın Kaliforniya ştatının San Fransisko şəhərində Azərbaycanın dahi bəstəkarı Üzeyir Hacıbəylinin “Leyli və Məcnun” muğam operası tamaşaya qoyulub.

Azərbaycanın Los Ancelesdəki baş konsulluğundan APA-ya verilən xəbərə görə, opera San Fransisko Dünya Musiqi Festivalı (San Francisco World Music Festival) çərçivəsində səhnələşdirilib. Bu, «Leyli və Məcnun» operasının ABŞ-da ilk nümayişidir.

Azərbaycanın Los Ancelesdəki baş konsulu Nəsimi Ağayev tədbiri giriş sözü ilə açaraq, «Leyli və Məcnun» operasının tarixi barədə məlumat verib, onun müsəlman dünyasında ilk opera olduğunu və indiyə kimi sevilə-sevilə ifa edildiyini qeyd edib. Sonra diplomat Azərbaycanın xalq artisti, məşhur pianoçu, hazırda San Fransiskoda yaşayan Çingiz Sadıqova San Fransisko Dünya Musiqi Festivalının xüsusi fəxri fərmanını təqdim edib. Fəxri fərman Ç.Sadıqova Azərbaycan musiqi və mədəniyyətinin ABŞ-da və bütün dünyada təbliği sahəsində gördüyü işlərə görə verilib.

Sonra opera tamaşası nümayiş etdirilib. Gənc xanəndələr Vüsalə Musayeva və İlkin Əhmədov Leyli və Məcnun rollarını ifa ediblər. Mahir instrumental ifaçılar İmamyar Həsənov (kamança) və Rüfət Həsənov (tar), eləcə də Çin, Hindistan, Cənubi Koreya və ABŞ musiqiçilərindən ibarət orkestr xanəndələrimizi müşayiət edib.

Opera tamaşaçıların alqışları ilə qarşılanıb. Tamaşada 500-dək şəxs iştirak edib.
# 2344 dəfə oxunub

Oxşar xəbərlər

Kubizmlə futurizmin sintezi, sənətdə sənayeləşmə...- Umberto Boççoninin məşhur əsərləri

Kubizmlə futurizmin sintezi, sənətdə sənayeləşmə...- Umberto Boççoninin məşhur əsərləri

18:30 17 avqust 2026
"Biz yeri cənnətə çevirəcəyik..." - "Heaven Is a place on Earth" necə yarandı?

"Biz yeri cənnətə çevirəcəyik..." - "Heaven Is a place on Earth" necə yarandı?

14:00 17 avqust 2026
Mədəni mirasın qorunmasına həsr olunmuş ömür - O, Osmanlı irsini necə restavrasiya etdi?

Mədəni mirasın qorunmasına həsr olunmuş ömür - O, Osmanlı irsini necə restavrasiya etdi?

12:30 16 avqust 2026
Əfsanəvi “rok-n-roll kralı” haqqında maraqlı faktlar

Əfsanəvi “rok-n-roll kralı” haqqında maraqlı faktlar

11:30 16 avqust 2026
Müdriklik, tənhalıq və ölümün kətan üzərində metaforası - "Bayquşla avtoportret"

Müdriklik, tənhalıq və ölümün kətan üzərində metaforası - "Bayquşla avtoportret"

11:30 15 avqust 2026
“Səninlə birgə var olmayan dənizlərə üzəcəyəm” - "Time to say goodbye" necə yarandı?

“Səninlə birgə var olmayan dənizlərə üzəcəyəm” - "Time to say goodbye" necə yarandı?

17:00 14 avqust 2026
#
#
Ana səhifə Yazarlar Bütün xəbərlər
Canlı yayım