“XIX-XX əsr Azərbaycan ədəbiyyatı” kitabının II cildi çapdan çıxıb

Sənət

Ana səhifə
Sənət

“XIX-XX əsr Azərbaycan ədəbiyyatı” kitabının II cildi çapdan çıxıb

8 noyabr 2012

10:25

Tanınmış ədəbiyyatşünas alimlər Teymur Əhmədov və Salatın Əhmədlinin “XIX-XX əsr Azərbaycan ədəbiyyatı” kitabının II cildi çapdan çıxıb.

AzərTAc xəbər verir ki, yüksək poliqrafik tərtibatla “Nurlar” nəşriyyat-poliqrafiya mərkəzində nəşr olunmuş 712 səhifəlik kitabda XIX-XX əsrlərdə yaşayıb yaratmış Şimali və Cənubi Azərbaycan yazıçıları haqqında məlumat və onların nəsr əsərlərindən nümunələr yer alıb.

Kitabdakı ön sözün müəllifi filologiya elmləri doktoru, professor Teymur Əhmədov, rəyçiləri isə filologiya elmləri doktoru, professor Qara Namazov və filologiya elmləri doktoru Rəhim Əliyevdir.

Ali məktəblərin filologiya fakültələrinin tələbələri üçün dərs vəsaiti kimi nəşr edilmiş kitabdan geniş oxucu auditoriyası da faydalana bilər.