Alatoran jurnalının yeni sayı çap olunub

Alatoran jurnalının yeni sayı çap olunub
6 noyabr 2012
# 11:48
Müasir alman ədəbiyyatında hansı proseslər gedir, almaniyalı yeni nəsil yazarları düşündürən mövzular nələrdir?

İstər azərbaycanlı gənc yazarlar, istərsə də adi oxucular üçün bu sual maraqlı ola bilər.

Dünya kitab bazarının mərkəzi olan Almaniyada yazıçıların yaradıcılıq axtarışları da şübhəsiz Azərbaycan ədəbiyyatsevərləri üçün son dərəcə önəmlidir.

Bu baxımdan "Alatoran" jurnalının həyata keçirdiyi yeni layihə oxucular üçün gözəl imkanlar yaradır.

Jurnalın 18-ci sayı bütünlüklə yeni alman ədəbiyyatına həsr olunub. Gothe İnstitute tərəfindən dəstəklənən bu layihədə əsərlərin və müəlliflərin seçimini də almaniyalı ədəbiyyat eksperti Mark Deqens aparıb.

1954-1971 ci illərdə doğulmuş müasir alman müəlliflərindən səkkiz nəsr nümunəsi seçilib.

Seçilmiş müəlliflər, heç bir halda təsadüfi olmayıb, ədəbiyyat ekspertinin şəxsi zövqü əsasında toplanıb.

Bütün müəlliflər Almaniyada tanınan ədəbiyyat mükafatlarına layiq görülmüşlər, kitabları geniş oxucu kütləsi tərəfindən bəyənilmiş, həmçinin yazıçılıqda ciddi inkişaf yolu keçmişlər.

Əsərləri alman dilindən Zaur Səttarlı, Qurban Dağlı, Gülarə Heydərova və Namiq Hüseyinli tərcümə etmişlər. Jurnalın üz qabığında və iç səhifələrində almaniyalı modernist rəssam Marion Albrecht-in rəsmlərindən istifadə edilib.

Alatoran dərgisinin bu yeni sayı Bakı Metropoliteni şəbəkəsində yerləşən köşklərdə satılır.

"Alatoran"
# 1824 dəfə oxunub

Oxşar xəbərlər

Nəriman Nərimanov Tağıyevin pul yardımından niyə imtina etmişdi?

Nəriman Nərimanov Tağıyevin pul yardımından niyə imtina etmişdi?

09:00 23 iyul 2024
Mikayıl Mirzənin oğlu:  "Atam sağ olsaydı, mən səfir idim..." - Müsahibə

Mikayıl Mirzənin oğlu: "Atam sağ olsaydı, mən səfir idim..." - Müsahibə

09:00 22 iyul 2024
Molla Pənah Vaqif haqqında deyilənlər, yazılanlar və gerçəklər

Molla Pənah Vaqif haqqında deyilənlər, yazılanlar və gerçəklər

11:57 21 iyul 2024
Qustav Floberin novellası - dilimizdə ilk dəfə

Qustav Floberin novellası - dilimizdə ilk dəfə

09:00 19 iyul 2024
Müəllif "qızları ərə verməyə tələsməyin"  demək istəyir? - Hekayə müzakirəsi

Müəllif "qızları ərə verməyə tələsməyin" demək istəyir? - Hekayə müzakirəsi

09:00 16 iyul 2024
Qonaqlıq - Günün lətifəsi

Qonaqlıq - Günün lətifəsi

09:00 13 iyul 2024
# # #