Natiq Məmmədlidən “Ləyaqət düsturu”

Sənət

Ana səhifə
Sənət

Natiq Məmmədlidən “Ləyaqət düsturu”

1 noyabr 2012

11:16

«Qanun» nəşriyyatında “Kaspi” qəzetinin baş redaktoru Natiq Məmmədlinin «Ləyaqət düsturu» adlı hekayələr kitabı çap olunub. Müəllifin Kulisə verdiyi məlumata görə kitabda yazarın son illər yazdığı hekayələr yer alıb. Bu, müəllifin ilk kitabıdır, amma yazar kimi hekayələri mətbuatda neçə illərdir çap olunur.

Gündəlik həyatımızda gördüyümüz gerçəkliklər, insan xislətindən doğan naqisliklər, reallıqla barışmayan, eyni zamanda onu dəyişməyə də gücü çatmayan müxtəlif xarakterlər, küncə sıxışdırılmış ləyaqətli adamların getdikcə eşidilməyən səsi, bir sözlə Azərbaycan insanın ədalət axtarışı bu kitabda öz əksini tapıb.

Bu hekayələrin qəhrəmanları adi adamlardı. Onlar bəşəriyyətin yüz illər bundan öncə cavablandırdığı suallar ətrafında düşündükcə reallıqla insan xarakterlərinin toqquşmasından yaranan ziddiyyət daha da dərinləşir, tunelin sonunda işığın görünməməyi isə gələcəyə inamı sarsıdır. Natiq Məmmədlinin hekayələri süjet xəttinin dinamikliyi, obrazların rəngarəngliyi baxımından bir-birindən fərqlənsə də, bütün mövzuların kökündə real həyat həqiqətləri dayanır. İlk baxışda sadə, diqqət cəlb etməyən hadisələrin bədii formada ifadəsi oxucuya yalnız bir ideyanın – mütləq dəyişmək, mütləq dəyişilmək yanğısının aşılanmasına hesablanıb.

Kitaba ön sözü xalq yazıçısı Anar yazıb. Redaktoru filologiya elmləri doktoru, professor Tehran Əlişanoğludur. Gələn həftədən kitab satışı mərkəzlərindən tapa biləcəyiniz kitabı cəmi 2 manata ala bilərsiniz.

Ramilə Qurbanlı

2090 dəfə oxunub

Paylaş

Oxşar xəbərlər

Kainatı ironik və gülməli təqdim edən yazıçı - Onun mistik "42" rəqəminin sirri nə idi?

15:00 11 mart 2026

“Kəkələmə rolları"na görə truppaya qəbul edilən aktyor - Bəşirin Səfəroğlu erası necə başlamışdı?

12:00 11 mart 2026

Romantizmin üsyankar nəzəriyyəçisi - O, Avropanın gələcəyini necə təsəvvür edirdi?

16:00 10 mart 2026

Sənət