Quşlar “Twitter”ə yazır

Sənət

Ana səhifə
Sənət

Quşlar “Twitter”ə yazır

26 aprel 2011

13:33

Latviyanın “İr” jurnalı “Twitter”i quşlara qaytarır.

Kulis.az-ın D`Effektiv bloquna istinadən verdiyi xəbərə görə, Latviyanın soyuq havasından əziyyət çəkən quşlar üçün açıq havada klaviatura yerləşdirilib. Üstü piy parçaları ilə örtülü klaviatura qoyulduğu yerə mıxlanıb. Ac quşlar yemi dimdiklədikcə klavişlər basılır və “Twitter”ə qeyd yazılır.

Jurnal ətrafında birləşən insanlar http://birdsontwitter.com/ adlı sayt açaraq düşüncələrini ifadə ediblər: “Heç rəvadırmı ki, adını “Twitter”-ə verənlərin özləri heç zaman ondan istifadə etməsinlər? Biz bununla barışmadıq…”

Xatırladaq ki, ingilis dilində “Twitter” quş çikkiltisi deməkdir.

Bu quşların “twit”ləri birbaşa @hungry_birds adlı “Twitter” hesabında peyda olur. Öz hesabınızdan “Twitter”-ə girib onları “follow” edə bilərsiniz. Orada quşların 140 simvolluq gündəlik qeydlərini görəcəksiniz. “Qanadlı yazarları” canlı izləmək üçün yuxarıda qeyd olunan linkə daxil olub onların necə işləməyinə baxa bilərsiniz.

Günel Əsgərzadə