Pikassonun dediyi ilk söz “piz” olmuşdur, bu ispan dilində “pencil”( qara qələm) sözünün qısa forması idi.
İlk əsərini 8 yaşında ikən taxta üzərində yağlı boya ilə çəkib. “Pikador” adlanan bu əsəri ömrünün sonuna kimi saxlayıb.
İlk sərgisini 19 yaşında ikən Barselonada “Els Quatre Gats” kafesində açan gənc Pikassonun dəsti-xətti bəyənilmədiyindən hər kəs tərəfindən mənfi rəylə qarşılanır.
1900-cü ildə Parisdə yaşayarkən ciddi maliyyə problemləri ilə üzləşən rəssam isinmək üçün rəsmlərini yandırırdı.
1911-ci ildə Luvr muzeyindən “Mona Liza” əsəri oğurlandığı zaman Pikassonun dostu şair Guillaume Apollinaire polis tərəfindən saxlanılmış, o isə ifadəsində dostunu günahlandırmışdı.
Lakin dindirmələr zamanı hər iki dost sərbəst buraxılır.
Məşhur ispan rəssamı Salvador Dalinin Pikasso ilə tanışlığı Daliyə öz dəsti-xəttini tapmaqda xeyli kömək olmuşdu.
1944-cü ildə Fransa Kommunist Partiyasına üzv olan Pikasso Stalinin portretini çəkir, lakin təqdimat zamanı bu əsər bəyənilmir.
Bu gün Pikassonun məşhur “ Sülh Göyərçini” Ümumdünya Sülh Konqresinin simvoluna çevrilib.
Qadınlara olan düşkünlüyü ilə seçilən Pablonun hətta 60-70 yaşlarında belə gənc sevgililəri vardı, məsələn, onun 79 yaşı olanda Françoise Gilotun sadəcə 21 yaşı vardı.
Sevdiyi qadınları incitməkdən həzz alan Pikasso sırf uşaq doğduqdan sonra sevgilisi Fransuazanın necə dəyişildiyini görmək üçün ondan 2 övlad dünyaya gətizdirdi. Lakin eksperimentini bəyənməyən şıltaq rəssam gözləmədiyi halda bu qadın tərəfindən tərk edilir.
Bu gün əsərləri milyon dollarlarla ölçülən rəssam ilk işindən 750 dollar qazanmışdı.
Pikassonun “Yaşıl yarpaqlar və büst” əsəri telefon vasitəsi ilə naməlum alıcı tərəfindən hərracda 106.5 milyona satın alınmışdır
Dahi rəssamın bu günədək bir çox əsəri ya oğurlanmış, ya da naməlum şəkildə itmişdir. Lakin onların 200-dən çoxu aşkar olunub.
Hazırladı: Nərmin Məmmədli
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Oxşar xəbərlər
Soyuq mərmər, dəfn sükutu, daşlaşmış kədər... - Andrea Mantenyanın "Ölü Məsihə ağı"sı
13:30
13 sentyabr 2026
Rəsmlərin musiqi ilə vəhdəti - Arif Məlikov onu narahat edən sualların cavabını tapmağı bacarıbmı?
10:00
13 sentyabr 2026
Yaxınlarını nasist ölüm düşərgələrində itirən yazıçı - O, niyə "dərkolunmaz varlıq" motivini yaratdı?
15:00
12 sentyabr 2026
Saflıq və uşaqlıq travmasına hiperrealist şərh - Qotfrid Helnvaynın "“Zərərsizlərin pıçıltısı” tablosu
12:05
12 sentyabr 2026
Xəyanətin kətan üzərində təsviri - Nikolay Abilqorun "Hamlet və anası" tablosu
14:00
11 sentyabr 2026
"Aşiq olmaqdan özümü saxlaya bilmirəm..." - "Can't help falling in love" necə yarandı?
13:30
11 sentyabr 2026
