Sənət

Ankarada Niyazinin 100 illiyinə həsr edilmiş konsert keçirilib

Ankarada Niyazinin 100 illiyinə həsr edilmiş konsert keçirilib
22 oktyabr 2012
# 10:11
Ankara Opera və Balet Teatrında TÜRKSOY-un təşkilatçılığı ilə görkəmli Azərbaycan bəstəkarı və dirijoru, maestro Niyazinin 100 illik yubileyinə həsr olunmuş konsert keçirilib.

Konsertdən əvvəl çıxış edən Türkiyə Prezidenti Administrasiyasının Simfonik Orkestrinin rəhbəri, Dövlət Opera və Balet Teatrının baş direktoru Rengin Gökmen maestro Niyazinin dünya şöhrətli bəstəkar və dirijor kimi yorulmaz fəaliyyətindən, onun yaradıcılığının Türkiyə və bütün türk dünyasının mənəvi sərvəti olduğunu söyləyib.

Niyazi 1973-cü ildə I İstanbul Musiqi Festivalında Əhməd Adnan Sayqunun “Koroğlu” operasının premyerasını, sonrakı illər Ankara və İstanbul opera və balet teatrlarının səhnələrində müxtəlif operalar və “Yunus Əmrə oratoriyası”nı ifa edən orkestrləri idarə edib.

Azərbaycanın Türkiyədəki səfiri Faiq Bağırov və TÜRKSOY-un baş katibi Düsen Kaseinov maestronun Azərbaycan və dünya musiqi xəzinəsinə verdiyi qiymətli töhfələrdən bəhs ediblər.

Sonra Xalq Artisti, Azərbaycan Dövlət Simfonik Orkestrinin bədii rəhbəri Rauf Abdullayevin dirijorluğu ilə Ankara Dövlət Simfonik Orkestri və solistlər maestro Niyazinin “Rast” simfonik muğamı və “Arzu” romansını, C.Puççininin “Toska” operasından Cavaradossinin ariyasını, C.Verdinin “Aida” operasından Aidanın ariyasını, P.İ.Çaykovskinin “Skripka üçün konserti”ni ifa ediblər.

AzərTac
Mirmehdi Ağaoğlu
Mirmehdi Ağaoğlu
# 5046 dəfə oxunub

Oxşar xəbərlər

Qəhvə taciri, silah alverçisi, kəşfiyyatçı, şair Artur Rembo - Homoseksual sevgilisi onu niyə güllələmişdi?

Qəhvə taciri, silah alverçisi, kəşfiyyatçı, şair Artur Rembo - Homoseksual sevgilisi onu niyə güllələmişdi?

14:00 10 noyabr 2026
O, ailəni, dini, dövləti və sevgini rədd edirdi – Bazarovun düşüncəsinin arxasında hansı filosof dayanırdı?

O, ailəni, dini, dövləti və sevgini rədd edirdi – Bazarovun düşüncəsinin arxasında hansı filosof dayanırdı?

14:00 9 noyabr 2026
Qərb cəbhəsində itirilmiş nəsil, Aprel döyüşləri... - Müharibə mövzusunda yazılmış məşhur romanlar

Qərb cəbhəsində itirilmiş nəsil, Aprel döyüşləri... - Müharibə mövzusunda yazılmış məşhur romanlar

14:00 8 noyabr 2026
"Mən səni haralarda axtardım, balam?!" - Ömrün urasında yaşanan və yazılanlar...

"Mən səni haralarda axtardım, balam?!" - Ömrün urasında yaşanan və yazılanlar...

10:00 8 noyabr 2026
"Həyat bütünlüklə xatirələrdən ibarətdir?" - Tanınmış amerikalı psixiatrdan sitatlar

"Həyat bütünlüklə xatirələrdən ibarətdir?" - Tanınmış amerikalı psixiatrdan sitatlar

11:01 7 noyabr 2026
"Qocalmaq ehtirasdan şəfqətə keçməkdir..." - Alber Kamünün sitatları

"Qocalmaq ehtirasdan şəfqətə keçməkdir..." - Alber Kamünün sitatları

10:00 7 noyabr 2026
#
#
Ana səhifə Reels Yazarlar Xəbərlər