Leonid İliç Brejnevin siyasi liderlərlə öpüş səhnələri dünyanın əksər qəzetlərinin səhifələrini bəzəyərdi. Maraqlıdır ki, Brejnev qarşısına çıxanı üç dəfə öpərdi: sağ yanaqdan, sol yanaqdan və qardaşlığın kuliminasiya nöqtəsi kimi dodaqdan.
ADR-in lideri Erik Honnekerlə öpüşməsi ayrı aləm idi. İstər Honnekerin SSRİ-yə, istərsə də Brejnevin ADR-ə səfərləri zamanı onlar bir-birlərinin dodaqlarından tutub buraxmazdılar.
Brejnevin Çexoslavakiya lideri Qustav Qusakla öpüş səhnəsinə isə erotik film çəkən rejissorlar belə həsəd aparardı. Rəhmətliklər çox intim öpüşərdilər.
Amma Rumıniyanın o vaxtkı dövlət başçısı Nikolae Çauşesku dodaqlarını Brejnevin yanaqlarına toxundursa da, heç vaxt baş katibin dodaqlarına dodaq uzatmazdı. Deyilənə görə, iyrənərmiş.
“Soyuq müharibə” illərində dəmir hasarı aşıb SSRİ-yə gələn İngiltərənin baş naziri Marqarat Tetçer isə Brejnevlə öpüşməkdən ustalıqla qaçırdı. Doğrudur, xanım Tetçer əlini baş katibə uzadanda Brejnev onun yanaqlarını öpməyə cəhd edərdi. Amma Tetçer buna icazə verməzdi.
1973-cü ildə SSRİ-yə gələn ABŞ dövlət nümayəndələri içərisində bir sarışın tərcüməçi qız da olub. Brejnev hamı ilə əllə görüşəndən sonra onun da dodaqlarına “təcavüz” edib. Həmin vaxt onun tərcüməçi qızı öpmə səhnəsi ABŞ-ın irili-xırdalı əksər qəzetlərində yer almışdı.
ABŞ prezidentlərindən yalnız Cimmi Karter Brejnevin xətrinə dəymirdi, necə lazımdırsa öpüşürdü.
Elə Fələstin lideri Yasir Ərəfat da əvvəl-əvvəl Brejnevin öpüş taktikasını təəccüblə qarşılayardı. Amma SSRİ-yə gedib-gələndən sonra o da buna öyrəşdi.
Hamı ilə adətən üç dəfə öpüşən Brejnev Kuba lideri Fidel Kastro ilə azı beş dəfə öpüşərdi.
Xanım dövlət başçılarından isə Brejnev İndira Qandi ilə daha mehriban idi. Zavalı Qandi Brejnevə heç bir müqavimət göstərməzdi. Hindistanın naminə...
Səbuhi MƏMMƏDLİ
.jpg)
.jpg)
.jpg)
.jpg)
.jpg)
.jpg)
.jpg)
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Oxşar xəbərlər
Amerikada sensasiya yaradan azərbaycanlı - O, KQB-nin təqibindən necə xilas olmuşdu?
12:00
20 fevral 2026
Yalanlar, maskalar və çılpaq həqiqət - "Ruh" tamaşası haqqında
10:00
20 fevral 2026
"Folklordakı Cırtdan avtoritetinin məhv edilməsi..." - Necə oldu ki, Qırmızıpapaq Canavarın sevgilisinə çevrildi?
15:00
19 fevral 2026
Öz şah əsərinə nifrət edən dahi - Naşirlər onun hansı kitabını çap etməyə qorxmuşdular?
12:00
19 fevral 2026
Dövlət işi naminə dinini dəyişdi, Parisdə siyasi mühacir həyatı yaşadı... - O, mirasını hansı şərtlə arvadına vəsiyyət etmişdi?
15:00
17 fevral 2026
"Özümüzü xoşbəxt olduğumuza inandırmağa çalışırıq..." - Duş qəbul etmək üçün nələri qurban verərdiniz?
10:00
17 fevral 2026
