“Bəyin oğurlanması”ndakı erməni bərbər xəstəxanaya düşdü

Sənət

Ana səhifə
Sənət

“Bəyin oğurlanması”ndakı erməni bərbər xəstəxanaya düşdü

9 oktyabr 2012

10:47

Kulis.az-ın “Komsomolskaya Pravda”-ya istinadən verdiyi xəbərə görə Rusiyanın əməkdar artisti, “Əyri Güzgü” teatrının erməni əsilli tanınmış yumoristi Karen Ovanesyan yüksək temperatur və şiddətli ürək ağrısı ilə Moskvada xəstəxanaya yerləşdirilib.

Təcili xəstəxanaya yerləşdirilən 57 yaşlı aktyorun ürəyində kəskin ağrılar olub. Həkimlər populyar yumoristin ürək-damar sisteminin iltihablanmasını müəyyən ediblər.

Reanimasiyaya yerləşdirilən yumoristi dostları və sənət yoldaşları daima ziyarət edirlər. Həkimlərin ailəsinə verdiyi məlumata görə, Ovanesyanın vəziyyəti yaxşıdır və oktyabrın 13-də “Əyri Güzgü” teatrının növbəti çəkilişlərinə kimi evə buraxılacaq.

Azərbaycanda anadan olan Karen Ovanesyan 1985-ci ildə Azərbaycan Mədəniyyət və İncəsənət Universitetini bitirib. “Bəyin oğurlanması” filmindən bərbər rolu ilə tanıdığımız aktyor Vaqif Mustafayevin “Yaramaz” filmində də çəkilib.

Fərid MİRZƏYEV