Əcdadlarımızın intim həyatı ilə bağlı müxtəlif əfsanələr var. Bu əfsanələrdən ən məşhurları isə bunlardır:
1. Viktoriya epoxasında məhrəmlik
Mif: İngiltərə tarixində 1831-1901-ci illərdə hakimiyyətdə olan Viktoriya haqqında miflər az deyil. Məsələn, şayiəyə görə, şahzadələrin topuqlarının görünməyi ən böyük ədəbsizlik sayılırmış. Hətta kraliça saraydakı stulların ayaqlarını qadın topuqlarını xatırlatdığı üçün parça ilə örtdürərmiş.
Deyilənə görə, kraliça Viktoriya, qızına zifaf gecəsində İngiltərə haqqında düşünməyi məsləhət görüb.
Həqiqət: Sərt qaydalar barədə deyilənlər doğrudur. Ancaq bu qaydalar görüntü üçün imiş. Sarayda porno saytlarda belə rast gəlməyəcəyiniz intim əlaqələr vardı: insest, zorakılıq, pedofiliya, orgiya, sadizm, mazoxizm və s. Kraliça seksi sevərmiş. Doqquz uşaq da buna ən böyük sübutdur.
2. “Puritanlar həyat tərzi” mifi
Mif: XVI və XVII əsrlərdə Böyük Britaniyada yaranmış dini hərəkatın üzvləri – puritanlar haqqında ən məşhur şayiə onların dünyada ədəbsizlik yarada biləcək hər şeyi yox etmək istəkləri barədə söylənilənlərdir.
Həqiqət: Evlilikdən kənar seks puritanlarda həqiqətən cinayət sayılırdı. Ancaq tarixi araşdırmalar göstərib ki, hər üç puritan qadından biri hamilə qaldığı üçün evlənirmiş. Evlənən cütlüklər təkcə yataq otaqlarında deyil, evin damında, xəndəkdə, qəbiristanlıqda, bir sözlə hər yerdə sekslə məşğul olurmuşlar.
Qulluqçuların cinsi əlaqə üçün münasib bildikləri yer isə mətbəx imiş. Əgər mətbəxdə kimsə sekslə məşğul olursa, digər qulluqçu heç vaxt orda olanlara baxmamalı, dərhal ordan uzaqlaşmalı imiş.
Puritan kilsəsi seksi mühüm hesab edir və bunu təkcə nəsil artırmaq üçün deyil, həzz almaq üçün də vacib sayırdı. İstər ər, istərsə da arvadın partnyoruna zövq vermək öhdəliyi vardı. İmpotentlik və cinsi passivlik boşanma üçün yetərli imiş.
3. Feodallar kəndlilərin arvadları ilə yata bilərdilər
Mif: “Zifaf gecəsi hüququ” – feodal ilə ilk toy gecəsində kəndlinin arvadı birlikdə ola bilərdi.
Həqiqət: Feodala bu hüququ verən qanun əslində yoxdur - tarixi sənədlər belə deyir. Bu mif ona görə yaranıb ki, sərkərdələrin məğlub etdikləri millətin xanımlarına təcavüz edirdilər. “Zifaf gecəsi hüququ” isə bu addımın təhrif olunmuş versiyasıdır.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Oxşar xəbərlər
Kortasarın ölümünün arxasındakı dəhşətli sirr – İllər sonra açılan QİÇS qalmaqalı
17:10
12 fevral 2026
Arvadını qətlə yetirmək, dövlət pulunu mənimsəmək, bank talamaq...- Cinayət törətmiş məşhur yazıçılar
15:23
11 fevral 2026
Ölən qızının robotunu düzəldib özüylə yatıran dahi - Fəlsəfənin "ata"sını kim zəhərlədi?
12:00
11 fevral 2026
İnsanı nə xoşbəxt edir? - Ömər Xəyyamın min il əvvəl söylədikləri
15:00
10 fevral 2026
Qumar masasında uduzulan şah əsər - Qadınlar yaraşıqlı zabitləri qoyub niyə Puşkinə qaçırdılar?
12:00
10 fevral 2026
Kefli İskəndərin gizli siması: xilaskar yoxsa qatil? - Cəfər Cabbarlı Mirzə Cəlilin əsəri haqqında
10:00
10 fevral 2026
