Sənət adamlarının məişəti də qeyri-adi olur. Onlar bəzən elə axmaqlıqlar edirlər ki, insanlar heyran qalır. Məsələn, Mikelancelo çimmirdi, Van Qoq isə boya yeyirdi. Kulis.az rəssamlara aid qeyri-adi məlumatları dərc edir.
“Meyiti bərk tutun!”
İtalyan rəssam Karavacco bir dəfə öz köməkçilərinə əmr edir ki, meyiti məzardan çıxarıb ayaq üstə tutsunlar. Rəssam onun rəsmini çəkmək istəyirmiş. Köməkçilər meyitin qoxusuna dözə bilməyib onu buraxırlar. Karavacco qılıncını çəkərək onlara əsəbiləşir. Əmr edir ki, meyiti əvvəlki vəziyyətdə saxlasınlar.
Boya yeyən Van Qoq
Hollandiyalı rəssam Van Qoq ömrü boyu ancaq bir rəsm əsərini sata bilib. Depressiyada olan rəssam ağır günlərində rəsm çəkmək üçün istifadə elədiyi boyaları yeyirmiş. Rəssam qeyri-adi həyatına intiharla son qoyub.
Dalğıc, yoxsa rəssam?
Sürrealist rəssam Salvador Dali Londonda bir konfransa dalğıc paltarı ilə gedib. Kürsüyə qalxanda Dalinin başında kaskada da varmış. Rəssam çıxış etməyə başlayanda görür ki, kaskanın içinə oksigen girmir. Boğulmağa başlayır. Zaldan iki dostu dərhal səhnəyə çıxaraq rəssama kömək edirlər. Zalda əyləşənlər elə bilirmiş ki, rəssam sadəcə oyun çıxarır.
Diqqətini cəmlə, Leo
“Mona Liza”kimi dünyaca məşhur bir əsərin müəllifi olan italiyalı Leonardo da Vinçi diqqətini cəmləyə bilmirmiş. Rəssam yeni bir proyektə başlayanda işini dayandırıb başqasına keçirmiş. Ona görə də əsərlərinin çoxunu yarımçıq saxlayırmış. Da Vinçinin bu xasiyyəti onunla işləyən insanları əsəbiləşdirirdi.
Rəssam niyə döyüldü?
Fransız rəssam Henri Matiss işindən sıxılanda pəncərənin qabağından keçənlərə kağız atarmış. Başına kağız dəyən adamlardan biri içəriyə girərək rəssamı döyüb.
İy verən rəssam
Mikelancelonun isə əsas “xəstəliyi” çimməməyi olub. Rəssam belə hesab edirmiş ki, su ziyandır. Çimmədiyinə görə ondan çox pis iy gəlirmiş. Buna görə də rəssamın köməkçiləri onun yanında çox işləyə bilmirdilər. İyə dözmək çətin idi.
Ərinin kürəyini oyuncaqlarla dolu vannada sabunlayırdı
Meksikalı rəssam Frida Kalo gələcək əri Diqeo Rivera ilə ilk dəfə qarşılaşanda məktəbdəki divar rəsminin üzərində çalışırdılar. Rəfiqələri onun bu yaşlı rəssama heyranlığına təəccüblənirdilər. Riveranın iriqarın, pis, qorxulu olduğunu söyləyən rəfiqəsinə Frida belə cavab vermişdi: “Dieqo elə mədəni, mülayim və şirindir ki... Onu özüm çimizdirirəm”. Frida ərinin kürəyini oyuncaqlarla dolu vannanın içində şəxsən özü sabunlayırmış.
İy verən, meyit rəsmi çəkən, boya yeyən rəssamlar
27 sentyabr 2012
04:00
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Oxşar xəbərlər
50 mindən çox əsər yaratdı, kommunistlərə qoşuldu, şeir yazdı... - XX əsrin dahi rəssamı haqqında maraqlı faktlar
16:00
8 aprel 2026
"Elşadın baxışları naməlum bir günahın astanasına aparır..." - Hüseynbala Mirələmovun "Əsmər" romanından bir hissə
14:10
7 aprel 2026
Uşaqlıqda cinsi zorakılıqla üzləşdi, əsərləri qadağan edildi... - Prezidentin andiçmə mərasimində şeir oxuyan ilk afroamerikalı qadın yazıçı
15:00
5 aprel 2026
"Sən demə, ata öz arvadı ilə yenidən nikah bağlamaq üçün..." - Professor "Lal ev"dən yazdı
12:00
5 aprel 2026
"Səni sevmək başqa birinə sillə vurmaqdı" - İlham Qəhrəmanın şeirləri
15:00
4 aprel 2026
"Hökmdə ağamsan, darda kənizim..." - Əfsanə Rəvanın yeni şeirləri
17:00
3 aprel 2026
