«Azərbaycanın regionlarında gənclərin məşğulluq vəziyyətinin yaxşılaşdırılması» layihəsi Azərbaycan Gənclər İttifaqı tərəfindən bu ilin avqust ayının ortalarından Azərbaycan Respublikasının Gənclər və İdman Nazirliyi yanında Gənclər Fondu tərəfindən dəstəklənərək həyata keçirilməyə başlayıb.

Layihənin məqsədi Quba, Lənkəran, Mingəçevir və Şəki regionlarında yeni və innovativ metodlara yiyələnmək yolu ilə gənclərin məşğulluq vəziyyətinin yaxşılardırılmasına nail olmaqdı. Bu məqsədə nail olmaq üçün layihə çərçivəsində adları qeyd edilən regionlarda gənclərə iş sahəsində mövcud problemləri nəzərə alaraq təlimlərin, seminarların, “açıq qapılar”ın təşkili, işsiz gənclərin iş yeri ilə təmin edilməsi üçün informativ-maarifləndirmə fəaliyyəti, gənclərin bu sahədə hüquqi biliklərinin artırılması, onlar arasında bizneslərini qurmaq istəyənlərə məlumat-maarifləndirmə dəstəyi, iş adamları ilə əlaqələrin qurulması fəaliyyəti həyata keçiriləcəkdi.

Layihənin icrası zamanı hər regiondan seçilmiş xüsusi gənclər qrupu ilə “İş axtarışında vacib olan amillər”, “CV-nin hazırlanması qaydası”, “Özünü təqdimetmə bacarıqlarının aşılanması”, “Komandada iş”, “İşdə rəhbərliklə işgüzar münasibətlərin qurulması”, “Biznes planların hazırlanması”, “Maliyyə axtarışının reallaşması” mövzularında təlimlər keçiriləcək. Sonra təlim keçmiş gənclərin də iştirakı ilə biznes və dövlət qurumlarının nümayəndələrinin qatılacağı birgə görüş və seminarlar təşkil ediləcək. Burada regionda mövcud işsizlik problemi müzakirə ediləcək, onun həll edilməsi yollar təklif olunacaq, eləcə də, iş axtaran gənclər ilə iş adamları arasında real əlaqələr yaradılacaq.

“Açıq qapı”ların təşkili ilə layhə çərçivəsində öz bizneslərini qurmaq istəyən gənclər üçün hüquqi və iqtisadi məsləhətlər veriləcək, güzəştli kreditlərin və/və ya qrantların alınması üçün müraciətlər, biznes planların yazılması və b. nəzərdə tutulub. Fokus qrupa daxil olan gənclərin ünvanlı olaraq regionlardakı iri, orta və istisna hallarda kiçik biznes strukturuna tanışlıq səfəri təşkil ediləcək, oradakı fəaliyyət və iş şəraiti ilə yaxından tanış olmaq imkanı əldə edəcəklər. Regionlarda təşkil edilən Əmək Yarmarkalarına getməklə fokus qrupa daxil olan gənclərin işsiz olanları üçün təklif olunan vakant iş yerləri dəyərləndiriləcək.

Qeyd etmək lazımdır ki, Azərbaycan Respublikasının Gənclər və İdman Nazirliyi yanında Gənclər Fondu tərəfindən dəstəklənən layihə 2013-cü ilin may ayında başa çatacaq.

• "Sarı mətbuat"dan meyarlar zirvəsinə - Pulitser mükafatı haqqında maraqlı faktlar
• "Arvadını qoru, ona sərbəstlik vermə..." - Tanınmış rus satirikdən sitatlar
• "30-40 manata məclislərə kloun gedirdim" - Rəsulzadənin obrazını canlandıran aktyorla müsahibə