Gəncədə Azərbaycan şairi və mütəfəkkiri Nizami Gəncəvi adına kitabxana tikiləcək.
Mədəniyyət və Turizm Nazirliyindən cümə axşamı Trend-ə verilən məlumata görə, Nizami Gəncəvinin 870 illik yubileyi ilə əlaqədar keçirilən müşavirədə mədəniyyət və turizm naziri Əbülfəs Qarayev deyib ki, sentyabrın 29-dan Nizami Gəncəvinin ana yurdu Gəncədə yubiley tədbirlərinin keçirilməsinə başlanacaq. Yubiley tədbirlərində iştirak üçün nazirlik tərəfindən dünyanın 20 ölkəsindən 50-yə yaxın nümayəndə dəvət edilib.
Yubiley tədbirlərinin proqramından bəhs edən nazir bildirib ki, Gəncədə dahi şairin məqbərəsi önündə geniş yubiley şənliyi təşkil olunacaq.
Bundan əlavə, "Beynəlxalq Nizami elmi konfransı" keçiriləcək. Nizami Gəncəvinin adını daşıyacaq kitabxananın təməli qoyulacaq, əsərlərindən ibarət sərgi açılacaq, rəssamlarımızın ədibin əsərlərinin motivləri əsasında çəkdikləri rəsm əsərləri nümayiş olunacaq və şəhərin mərkəzində "Xəmsə"yə daxil olan əsərlər əsasında hazırlanmış ədəbi-bədi kompozisiya göstəriləcək.
Həmçinin, bu tədbirlər çərçivəsində Gəncə Şəhər Mərkəzi Kitabxanası ilə dünya şöhrətli İsgəndəriyyə Kitabxanası arasında əməkdaşlıq müqaviləsi imzalanacaq.
Böyük ədibə həsr edilmiş tədbirlər oktyabr ayının 1-də Bakıda davam etdiriləcək. Yekun tədbirin Heydər Əliyev Sarayında təntənəli şəkildə keçirilməsi nəzərdə tutulur. Sarayın foyesində Nizami Gəncəvi ilə bağlı kitablardan və rəsm əsərlərindən ibarət sərgi təşkil olunacaq.
Gəncədə N. Gəncəvi adına kitabxana tikiləcək
14 sentyabr 2012
13:37
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Oxşar xəbərlər
Müdriklik, tənhalıq və ölümün kətan üzərində metaforası - "Bayquşla avtoportret"
11:30
15 avqust 2026
“Səninlə birgə var olmayan dənizlərə üzəcəyəm” - "Time to say goodbye" necə yarandı?
17:00
14 avqust 2026
Parisin marinist rəssamı - Klod Cozef Vernenin məşhur əsərləri
16:30
14 avqust 2026
Sardanapalın ölümü, Dantenin qayığı və azadlıq barrikadası... - Ejen Delakruanın məşhur əsərləri
16:40
13 avqust 2026
Fransız operasının parlaq imzası - Onu niyə “qadın ruhunun musiqiçisi” adlandırırdılar?
14:50
13 avqust 2026
15 yaşında ilk mükafatını qazanan Xalq artistimiz - Hansı ölkənin şahzadəsi ona elçi düşmüşdü?
12:00
13 avqust 2026
