Şəhriyar haqda kitab çıxdı

Sənət

Ana səhifə
Sənət

Şəhriyar haqda kitab çıxdı

22 aprel 2011

14:36

Azərbaycan Yazıçılar Birliyinin “Natavan” klubunda kitab təqdimatı olub. Kulis.az-ın məlumatına görə filologiya elmləri namizədi Esmira Fuadın “Söz sərrafı Şəhriyar ” adlı kitabı Şəhriyara həsr olunub.

Əsərdə ustad Şəhriyarın həyatı, ədəbi mühiti, bədii irsi tədqiq olunur. Kitab müəllifin 1998-ci ildə çap olunmuş “Məhəmmədhüseyn Şəhriyar” adlı monoqrafiyasının yenidən işlənmiş və əlavələr olunmuş variantıdır.

Tədbiri AYB katibi Arif Əmrahoğlu açdı: “Bu gün iki işığa yığışmışıq, biri Esmira xanımın işığıdır, o biri böyük, ustad Şəhriyarın işığıdır .”

Müəllifin yaradlcılığı barədə danışandan sonra natiq tədbiri aparmaq üçün jurnalist, AYB üzvü Flora Xəlilzadəyə söz verdi. Flora xanım “Şəhriyar qəlbimizdə uşaqlıqdan lövbər salan şairdir ”- dedi: “Onun barədə araşdırma aparıb əsər yazmağı qələminə hörmət etdiyim Esmira Fuad boynuna götürüb və bu missiyanın öhdəsindən gəlib.”

Tədbirdə ədəbiyyat, elm, mədəniyyət adamları iştirak ediblər.

Ramilə Qurbanlı