Özü-özünü təriflədiyi yerdə tutuldu

Sənət

Ana səhifə
Sənət

Özü-özünü təriflədiyi yerdə tutuldu

6 sentyabr 2012

12:20

ABŞ və İngiltərədə xeyli mükafat qazanmış dedektiv yazar Roqer Con Ellori Amazon adlı məşhur alış-veriş saytına başqa adla girərək öz kitablarını tərifləyib.

“Jelly Bean’ adı ilə sayta şərhlər yazan Ellori öz əsərlərini tərifləməklə kifayətlənməyərək rəqibi saydığı yazarları da tənqid edib.
Ancaq yazarın bu əməlləri gizli qalmayıb. Əməlləri faş olandan sonra Ellori oxuculardan və ədəbi cameədən üzr istəyib.

Ellorinin özünə tərif verdiyi şərhlərdən biri belədir: “Ellori bu günün ən istedadlı yazarlarındandır. Dili mükəmməldir, birnəfəsə oxuyursan. Adam çox duyğulanır. Ruhunuza işləyəcək”.

Yazar rəqiblərindən biri haqqında belə yazıb: “Daha yaxşısını yazacaq biridir. Kitabdakı satira gülməli deyil. İngilis yazarlar niyə cəsur ola bilmir? Dedektiv roman oxucuları əsər başa çatan kimi unudulan, bir-birinin eyni olan, formullanmış kitablar oxumaq məcburiyyətindədirlərmi?”

Ellori üzr istəsə də “bu xəmirin hələ çox su aparacağı” gözlənilir. Kriminal Roman Yazanlar Dərnəyi məsələ ilə bağlı açıqlama verərək Ellorini qınayıb. Bəyan edib ki, internet şərhləri ilə bağlı müddəanın da yer alacağı yeni qaydalar müəyyənləşdirəcəklər.