Polis məşhur Azərbaycan yazıçısının oğlu barədə araşdırmaya başlayıb

Sənət

Ana səhifə
Sənət

Polis məşhur Azərbaycan yazıçısının oğlu barədə araşdırmaya başlayıb

14 avqust 2012

14:44

Avqustun 13-də Bakı şəhər, Səbail rayon Polis İdarəsi, 9-cu Polis Bölməsinə dələduzluq faktı ilə əlaqədar şikayət daxil olub. Hüquq-mühafizə orqanlarından Lent.az-a verilən məlumata görə, Bakı şəhər sakini Muradov Elçin Dadaş oğlu bölməyə müraciət edərək bildirib ki, özünü vəkil kimi təqdim edən Kərimzadə Əziz Fərman oğlu onun 12 min manat pulunu mənimsəyib. E.Muradov bildirib ki, Ə.Kərimzadə onun İstiqlaliyyət küçəsindəki mülkdə pay sahibi olmasını təsdiqlətdirəcək.

Ə.Kərimzadə Bakı şəhəri 3 saylı Hüquq Məsləhətxanasının vəkilidir. O, Azərbaycan yazıçısı tanınmış Fərman Kərimzadənin oğludur.

Fərman Kərimzadənin böyük qızı Yeganə xanım Lent.az-a açıqlamasında bildirib ki, qardaşı ölkədə deyil. O həm də qeyd edib ki, qardaşı Əzizin işləri ilə müəyyən qədər tanışdır və yuxarıda qeyd edilən adda (Muradov Elçin) şəxsi tanımır.

9-cu Polis Bölməsindən Lent.az-a bildirilib ki, müraciət üzrə araşdırmalar aparılır.