Sənət

“Məncə, hərə bir cür dəlidir”

“Məncə, hərə bir cür dəlidir”
6 avqust 2012
# 05:00
“Pul xoşbəxtliyi ala bilməz, amma onu axtarmaq üçün yaxt ala bilər”

Kulis.az amerikan aktyoru Conni Deppin həyatdan öyrəndiklərini təqdim edir.

Deyəsən, əsl adım Osmonddur.

Qəribə uşaq idim. Əvvəlcə Brüs Li olmaq istəyirdim, sonra Daniel Bun (amerikanın ilk sakinlərindən biri – Esquire).

Gənc yaşlarımda satıcı işləmişdim, çox tez də qovulmuşdum. Yəqin “Bu kostyum sizə heç yaraşmır!” deməyi çox sevdiyimdən olmuşdu.

Tim Barton – gördüyüm ən qapalı insandır. “Çarli və şokolad fabriki” filmi çəkiləndə kimsə mənə yaxınlaşıb dedi ki, Helen sizi (Bonem Karter, Bartonun sevgilisi – Esquire) telefona çağırır. Soruşdum: “Yaxşısan? Billə bir şey olmayıb ki?”. Onların oğlu Bill hələ çox balaca idi onda. “Hə, hər şey yaxşıdı. Tim istəyir ki, sən Billin xaç atası olasan”, - dedi. “İki dəqiqə əvvəl Timlə birlikdəydim axı, heç nə demədi”- dedim. Bu, əsl Tim idi. “İstəyirəm ki, oğlumun xaç atası olasan” deməkdən ağır iş yox idi onun üçün. Çəkiliş meydançasına qayıdıb Timə dedim ki, bu mənim üçün böyük şərəfdir. O isə: “Aha, əlbəttə, başlayaq işləməyə”.

Tim hansı rolu məndən istəsə, düşünmədən razılaşaram. Lap filmdə qarışqayeyənlə sekslə məşğul olmaq lazımdırsa, böyük məmnuniyyətlə edərəm.

Çalışıram, daima çaşqınlıq vəziyyətində olum. Çaşqınlığın üzdəki ifadəsini xoşlayıram.

Məncə, hərə bir cür dəlidir.

Hər filmdə mütləq bir kadr olur, öz-özünə deyirsən, bax “o kadr” budur!

Pul xoşbəxtliyi almır, amma yaxt ala bilir. O yaxtı da götürüb gedirsən xoşbəxtliyi axtarmağa.

Təyyarədə hamı dindar olur.

Mənim azadlıq simvollarım – sadəlik və anonimlikdir. Nə vaxtsa mən onları yenidən özümə qaytaracam; ya qocalanda, ya da hamı məndən bezəndə.

Uşaq bir yaşında əsl sərxoşa oxşayır. Ayağa durur, yenə özünü saxlaya bilməyib aşır. Gah ağlayır, gah gülür, gah qusur.

Uşaqlar elə qəribə suallar verirlər ki adama. Bir dəfə qızım gəlib qarşımda oturdu və dedi: “Ata, sənə bir neçə sual verməliyəm”. Dörd yaşı vardı. “Üç dənə sualım var. Bir: Allah itdən qorxur?” – soruşdu, cavab verdim ki, qorxmur. O isə: “Yaxşı, bəs səncə o dinozavrları görüb?”, - soruşdu, yenə cavab verdim ki, yəqin ki görüb. Üçüncü sualı da bu oldu: “Onun qulluqçusu var?”. Bilmədim nə cavab verim.
Əgər nə vaxtsa “Mən ciddi aktyoram” dediyimi eşitsəz, gəlin, məni yaxşıca sillələyin.

Hazırladı: Günel Əsgərzadə
Mənbə: “Esquire” jurnalı
# 2534 dəfə oxunub

Oxşar xəbərlər

"Fikrindən gecələr yata bilmirəm..." - Məşhur "Ayrılıq" necə yarandı?

"Fikrindən gecələr yata bilmirəm..." - Məşhur "Ayrılıq" necə yarandı?

17:30 16 oktyabr 2026
Ölüm sığınacağına çevrilən sərv ağacları - Dünyanı sarsıdan tablonun pərdəarxası

Ölüm sığınacağına çevrilən sərv ağacları - Dünyanı sarsıdan tablonun pərdəarxası

16:30 16 oktyabr 2026
Azərbaycan ədəbiyyatşünaslığında azman imza - Onu niyə “Koroğlunun qələm dəlisi” adlandırırdılar?

Azərbaycan ədəbiyyatşünaslığında azman imza - Onu niyə “Koroğlunun qələm dəlisi” adlandırırdılar?

12:00 13 oktyabr 2026
"Nə yüngülləşdirici hal, nə də güzəşt tanıyan bir qadın..." - Dario Fonun sitatları

"Nə yüngülləşdirici hal, nə də güzəşt tanıyan bir qadın..." - Dario Fonun sitatları

10:00 13 oktyabr 2026
Sevgi, xəyanət, ümidsizlik... - Həqiqəti deyən qadını kim öldürdü?

Sevgi, xəyanət, ümidsizlik... - Həqiqəti deyən qadını kim öldürdü?

13:00 12 oktyabr 2026
Təbiətin ramedilməz enerjisinin kətanda təsviri - Moris de Vlamnikin məşhur əsəri

Təbiətin ramedilməz enerjisinin kətanda təsviri - Moris de Vlamnikin məşhur əsəri

13:30 11 oktyabr 2026
#
#
Ana səhifə Reels Yazarlar Xəbərlər