Bir əlində telefon, birində zopa...

Sənət

Ana səhifə
Sənət

Bir əlində telefon, birində zopa...

1 avqust 2012

11:15

Ağ Evin rəsmi saytında maraqlı bir foto yayımlanıb. Telefonla danışan ABŞ prezidenti o biri əlində beysbol zopası tutub. Bu şəkil ABŞ-da böyük marağa səbəb olub və müzakirələrə yol açıb.
Jurnalistlər Barak Obamanın əlindəki zopa ilə nəyə işarə etdiyi ilə maraqlanıblar. Ağ Evin gündəlik mətbuat konfransında rəsmilərdən biri Jay Qarney foto ilə bağlı sual yağışına tutulub. Jurnalistlərdən biri taxta, yoxsa alüminium olması ilə maraqlanıb. Başqa bir jurnalist isə zopanın peşəkar bir beysbolçudan xatirə olub-olmadığını soruşdu.

Maraqlı məqamlardan biri budur ki, Barak Obama həmin vaxt Türkiyənin baş naziri Rəcəb Tayyib Ərdoğanla danışırmış. 36 dəqiqəlik telefon danışığının əsas mövzusu Suriya imiş. Jurnalistlər Qarneydən onu da soruşublar ki, bu foto ABŞ-ın xarici siyasətini simvolizə edir, ya yox.

Ağ Ev rəsmisi Qarney isə sadəcə bunu deyib ki, Obama beysbol fanatıdır və “Chicago White Sox” komandasına azarkeşlik edir. Qarney əlavə edib ki, təfərrüatlar üçün fotonu incələyəcək.