Çörçilin əsəri auksionda!

Sənət

Ana səhifə
Sənət

Çörçilin əsəri auksionda!

19 aprel 2011

14:26

Sabiq baş nazir Uinston Çörçilin II Dünya müharibəsindən sonra çəkdiyi ilk rəsm əsəri satışa çıxarılacaq. “The Daily Telegraph” qəzetinin yazdığına görə, “Nivel çayında villa” adlı peyzaj 300 min funt sterlinqdən başlayan qiymətlə auksiona qoyulacaq.
Çörçil bu peyzajı 1945-ci ilin iyun ayında kanadalı general Raymon Brütinelin evində çəkib. Müharibə dövründə diplomat yalnızca bir əsər çəkməyə müvəffəq olub.
Qeyd edək ki, Çörçilin rəsm əsərləri həmişə auksionlarda yüksək marağa səbəb olub. 40 yaşından sonra rəssamlıqla məşğul olan diplomatın “Tinherirə baxış” adlı əsəri 2006-ci ildə 1 milyon 12 min dollara satılıb. Öz Çartuel adlı evini canladırdığı əsəri isə 2007-ci ildə 2 milyon dollara alıcı tapıb.
1946-cı ildəki müsahibələrinin birində ingilis siyasətçi özünü rəssamlıqla məşğul olarkən çox rahat hiss etdiyini deyib. Bildirək ki, Çörçil ədəbiyyatla da məşğul olub və 1953-cü ildə ədəbiyyat üzrə Nobel mükafatına layiq görülüb.

Günel Əsgərzadə