Mixalkov filmini Oskara namizəd elan etdi

Sənət

Ana səhifə
Sənət

Mixalkov filmini Oskara namizəd elan etdi

22 sentyabr 2011

16:13

Rusiyadan “ən yaxşı xarici film” nominasiyasında Oskara Nikita Mixalkovun “Günəşdən yorulanlar-2” filmi iddia edəcək.

Bu barədə Rusiya Oskar komissiyasının üzvü Kirill Razloqov məlumat verib.

Razloqovun sözlərinə görə, “Günəşdən yorulanlar-2” ümumilikdə üç film arasından seçilib: “Digər namizədlər -Andrey Zvyagintsevin “Yelena” və Aleksandr Sokurovun “Faust” filmlərinin isə nominasiyaya düşmək şansları yox idi”.

Komissiyanın qərarı ilə razılaşmayan bəzi üzvlər məsələyə yenidən baxılmasının tərəfdarıdılar.

Rusiya Oskar komissiyasının üzvlərindən biri rejissor Vladimir Menşov isə iclasın protokolunu imzalamaqdan imtina edib. O, iclasa qatılmayan digər 3 komissiya üzvünün iştirakını vacib sayıb.

Qeyd edək ki, Rusiyanın Oskar komissiyasına N. Mixalkovun qardaşı Andrey Konçalovski və Nikita Mixalkovun özü də daxildir.

Rejissorun özünün baş rolu oynadığı “Günşdən yorulanlar-2” filmi İkinci Dünya müharibəsi zamanı diviziya komandiri Kotovun həyatından bəhs edir.

Rəna Nevzat