Bakıda müasir kitabxana tikilir

Sənət

Ana səhifə
Sənət

Bakıda müasir kitabxana tikilir – FOTO

21 sentyabr 2011

13:35

Azərbaycan Milli Elmlər Akademiyasının (AMEA) Mərkəzi Elmi Kitabxanası yeni binaya köçəcək.

2013-cü ildə inşasının başa çatdırılması gözlənilən binanın tikintisinə artıq başlanıb.

“Elmlər Akademiyası” stansiyasının arxasında tikiləcək bina 0,9 hektar ərazidə inşa olunur. Onun ərazisi 38 000 kvadratmetr olacaq. Binanın zirzəmisində avtomobil dayanacağı yaradılacaq.

Binanın 1-ci mərtəbəsində kafeteriya, muzey, bərpa mərkəzi, 2-6-cı mərtəbələrdə 1,3 milyon cild kitabın saxlanacağı fond, 1100 nəfər üçün nəzərdə tutulmuş oxu zalları, elmi-tədqiqat şöbələri, konfrans zalları, administrativ şöbə və s. yaradılacaq.

7-ci mərtəbədə kitab və xəritələrin qiymətli nüsxələri saxlanılacaq. Fərdi oxu zalları da olacaq. Binada müasir liftlərin və eskalatorların quraşdırılması da nəzərdə tutulub.

Günel ƏSGƏRZADƏ