Bəhram Bağırzadə yemək kitabı yazdı

Sənət

Ana səhifə
Sənət

Bəhram Bağırzadə yemək kitabı yazdı

22 avqust 2011

11:01

"Bakılı oğlanlar" Şən və Hazırcavablar Klubunun üzvü Bəhram Bağırzadənin yeni kitabı işıq üzü görüb.

Kulis.az Milli.Az-a istinadən bildirir ki, "Azərbaycan mətbəxi" adlanan kitabda mətbəximizin əsas xörəkləri, şirniyyatları, mürəbbələri və s. haqda məlumatlar yer alıb.

Bundan başqa, xörək çeşidlərinin hazırlanma və süfrəyə verilmə qaydası şəkillər vasitəsilə kitabda öz əksini tapıb. "Azərbaycan mətbəxi"ndə ölkənin bir çox regionlarına aid xörəklər haqda da məlumat verilib.

Kitab haqda Bəhram Bağırzadə bu sözləri deyib: "Kitabın ərsəyə gəlməsində məqsəd bizə yemək mədəniyyətini, xüsusi zövqlə süfrənin bəzədilməsi hissini aşılayan, ləziz yeməklər hazırlayan, xörəyi süfrəyə təmtəraqla gətirənlərə sanki bir minnətdarlıqdır".

"Azərbaycan mətbəxi"ndən əvvəl Bəhram Bağırzadənin "Arzularımın şəhəri" adlı kitabı işıq üzü görüb. Ötən il təqdim olunan kitabda B.Bağırzadə köhnə Bakı və bakılılardan bəhs edir.