Türk rejissor fransız cəngavəri oldu

Sənət

Ana səhifə
Sənət

Türk rejissor fransız cəngavəri oldu

14 aprel 2011

10:03

Fransa Mədəniyyət Nazirliyi tərəfindən verilən “Sənət və Ədəbiyyat Cəngavəri” medalına türkiyəli rejissor Nuri Bilge Ceylan layiq görülüb.
Kulis.az-ın Türkiyə mətbuatına istinadən verdiyi xəbərə görə məşhur rejissorun medalı 30-cu İstanbul Film Festivalı çərçivəsində təşkil olunan tədbirdə Fransanın İstanbuldakı konsulu Herve Marqo təqdim edib.
Tədbirdə konsul deyib ki, N.B.Ceylanın bu medala layiq görülməsi çox təbiidir. H.Margo çəkdiyi filmlərin əksəriyyəti böyük festivallarda mükafat alan Ceylana bundan sonrakı yaradıcılığında da, uğurlar arzulayıb.
Medalı aldığına görə çox sevindiyini ifadə edən Nuri Bilge Ceylan deyib ki, Fransanın dünya ziyalıları üzərində çox təsiri olub: “Mənə də təsiri var. Fransa muzeylərindəki gəzintilərimi unutmuram. Xüsusilə də Fransa kinosunun nəhənglərindən olan Robert Bresson da mənim müəllimlərimdən biridir”.
N.Bilge Ceylan Türkiyənin Avropada tanınan ən məşhur rejissorlarından biridir. Əsasən art-house filmləri çəkən rejissorun “Uzaq”, “İqlimlər” və “Üç meymun” filmləri ilə Kann festivalında mükafatlar alıb.

Günel Əsgərzadə