Muğam Teatrı Türkmənistanda konsert verəcək

Sənət

Ana səhifə
Sənət

Muğam Teatrı Türkmənistanda konsert verəcək

15 avqust 2011

11:33

Teatrı Aşqabada Türkmənistan Prezidenti Qurbanqulu Berdiməhəmmədov dəvət edib.

Kulis.az AzərTAC-a istinadən bildirir ki, Muğam Teatrının yaradıcı heyəti sentyabrın sonu, oktyabrın əvvəllərində Türkmənistanda konsert proqramı ilə çıxış edəcək. Türkmənistan Prezidenti Qurbanqulu Berdiməhəmmədov Bakıya səfəri zamanı Muğam Teatrına da baş çəkərək kollektivin fəaliyyəti ilə maraqlanıb və teatrı öz ölkəsinə dəvət edib.

Türkmənistanda 300 mindən çox azərbaycanlı yaşayır. Bu baxımdan Muğam Teatrının dost ölkəyə səfərinin maraq doğuracağı gözlənilir.

Türkmənistanda əməkdar artistlər Gülyaz və Gülyanaq Məmmədova bacılarının qastrol səfərinə qatılacağı da planlaşdırılır.