Dublin: bir şəhər, bir kitab

Sənət

Ana səhifə
Sənət

Dublin: bir şəhər, bir kitab

10 avqust 2011

10:27

Dünya ədəbiyyatına böyük yazarlar bəxş etmiş İrlandiyada hər il keçirilən “Dublin: bir şəhər, bir kitab” festivalının gələn il oxunacaq kitabı artıq bəlli olub. Aprel ayında keçiriləcək festivalda Ceyms Coysun “Dublinlilər” kitabı oxunub müzakirə olunacaq.

Yazıçının “Dublinlilər” əsəri İrlandiyanın ədəbi icmasında zəlzələ təsiri oyadıb və nəticədə onun bütün nüsxələri yığılıb məhv edilib. Hazırda Coysun müəlliflik hüquqları ilə Fransada yaşayan nəvəsi Stefan Coys məşğul olur. Gələn ilki festivala onun da qatılacağı gözlənilir.

İrland oxucular hər il bu festival çərçivəsinə bir ay bir yazıçının əsərini oxuyub müzakirəyə çıxarırlar. Builki festivalda oxunan əsər Cozef O`Konorun “Ruh işığı” əsəri olub.

Festivalda indiyədək oxunan əsərlər arasında Flan O`Brensin “Üzən iki quş”, Sebastian Berrinin “Uzun, uzun yol”, Conatan Sviftin “Qulliverin səyahəti”, Oskar Uayldın “Dorian Qreyin portreti” əsərləri var.

Günel ƏSGƏRZADƏ