Türk rokçu Teomanın karyerasına son verən məktubundan sonra onun 15 illik meneceri də dilə gəldi.
Teomanın meneceri Funda Sanlımanın “Medyatava” saytına göndərdiyi məktubundan parçaları ixtisarla təqdim edirik:
Teomandan zəng gəldi: “Musiqini tərk etdim, özümü işdən qovdum”. Komandası Dünya Kubokunu almış insanlar qədər sevindim. Bu rahatladıcı səs getməyin ilk addımını atmışdı.
Dərhal Şazimentə (Teomanın anası) zəng vurdum. Təəccübləndi. Çünki məndən əvvəl onunla danışıbmış. Anasının arzusu oğlunun xəbər aparıcısı olmaq idi. Sevincək: “Bəlkə indən sonra olar”, - dedi. Gülüşdük.
Teoman işi üçün yaşayan biridir. Bu işin pul ilə əlaqəsi yoxdur. 15 il ərzində məndən yalnız xərclik aldı, heç vaxt nə qədər pulunun olduğunu soruşmadı. Puldan az qala iyrənir. Albomlarının nə qədər satıldığını bilməz, maraqlanmaz, konsertə gələnlərin sayına fikir verməz. Konsertlərdə kulisin yaxşı olmasını istəyər, dostlarını qonaq etmək üçün.
15 yaşındakı Teomana bəyəndirməyə çalışır özünü. O, 15 yaşlı uşağı çox sevir, öz uşaqlığının üstündə əsir. O, böyük rolu oynayan balacadır. Ona görə mahnılarını özü yazır, kliplərini çəkir. Öz qəhrəmanları onu necə təsirləndiribsə, o da elə təsirləndirmək istəyir insanları.
Özü istədiyi kimi bir film çəkər, insanların xəyal etmədiyi qədər pul batırar və bir saniyə də vecinə almaz. Puldan düşünməyə, danışmağa utanır çünki. Amma belə olduğu üçün qürur duyur özü ilə.
Bu aralar ən çox düşündüyü şey: Türkiyədə indiyədək doğru və gözəl bir musiqi karyerasını davam etdirə bilməməyini və musiqi mühitini “quraq” saymasıdır. Sistemin özü özünü yediyini və yaxında iqtisadiyyatı güclü olsa da, musiqi dünyasının heç bir anlamının qalmayacağını düşünür.
Dağılan qruplara, istəmədiyi işləri görən, maddi problemləri olan musiqiçilərə görə pis olur, onlar üçün nəsə etməyə çalışır, çabalayır. Sistemin kiçik və orta ölçüdəki sənətçiləri məhv edəcəyinə və ya anlamını itirəcəyinə inanır.
Son bir ildə iki dəyərli itki verməsi artıq Teomanı musiqi ilə, sənətlə özünü rahatlatmayacağı bir nöqtəyə gətirdi. Musiqi onun köhnə sevgilisidir və burada qalacaq.
Həyatında ilk dəfə “artıq ayağımı torpağa basmaq istəyirəm”, - dedi mənə. Etiraf etdi: şöhrət, pul, eqo, qadınların ona marağı, dünya ilə savaşmaq və s. onu xoşbəxt etmir artıq.
Teoman isə artıq evindən çıxacaq və gerçək bir həyat yaşayacaq. Özü ilə də, həqiqətilə də barışacaq.
Anladacaq yeni bir şeyi qalmadığını düşünür. Onu tanıyan biri kimi, qərarını haqlı sayıram və dəstəkləyirəm onu. Teoman bir daha qayıtmamaq şərti ilə musiqidən ayrıldı, indi o, həyata qarışacaq. O, depressiyada, həyatında ilk dəfə qarşılaşdığı depressiyadan çıxmağa çalışır. Bacaracaq. Hər son - bir başlanğıcdır.
Ad günün mübarək, Teoman!
Hazıladı: Günel Əsgərzadə
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Oxşar xəbərlər
Mədəni mirasın qorunmasına həsr olunmuş ömür - O, Osmanlı irsini necə restavrasiya etdi?
12:30
16 avqust 2026
Əfsanəvi “rok-n-roll kralı” haqqında maraqlı faktlar
11:30
16 avqust 2026
Müdriklik, tənhalıq və ölümün kətan üzərində metaforası - "Bayquşla avtoportret"
11:30
15 avqust 2026
“Səninlə birgə var olmayan dənizlərə üzəcəyəm” - "Time to say goodbye" necə yarandı?
17:00
14 avqust 2026
Parisin marinist rəssamı - Klod Cozef Vernenin məşhur əsərləri
16:30
14 avqust 2026
Sardanapalın ölümü, Dantenin qayığı və azadlıq barrikadası... - Ejen Delakruanın məşhur əsərləri
16:40
13 avqust 2026
