Bu filmlərə baxmasan, yanıma gəlmə

Sənət

Ana səhifə
Sənət

Bu filmlərə baxmasan, yanıma gəlmə

2 avqust 2011

13:46

Rejissor Stiven Spilberq özünün “tədris planı”nı hazırlayıb.

Onun yanında işləmək istəyənlər Spilberqin seçdiyi 206 filmi mütləq izləməlidirlər.

Filmlər arasında Spilberqin özünün 1977-ci ildə çəkdiyi “Üçüncü səviyyəli əlaqələr” filmi var.

Siyahıdakıların çoxusu Hollivud filmləridir.

Spilberqin siyahısında dünyaca məşhur rejissorların da filmləri var.

Kulis.az siyahıdakı filmlərdən bəzilərinin adlarını təqdim edir : “Xaç atası” (hər üçü), “Tiffanida səhər yeməyi”, “Yeddi Samuray”, “Səkkizin yarısı” (Fellini), “Çin şəhəri” (Polonski), “Yuli Sezar” (Manikeviç), “Parisdə sonuncu tanqo” (Bertaluççi”), “Müasir zamanlar” ( Çaplin), “Qatar” (Konçolovski).

Yəhudi əsilli rejissor Stiven Spilberq “DreamWorks” kinostudiyasının təsisçilərindəndir.

Üç Oskar mükafatı, iki Qızıl Qlobus ("Şindler siyahısı" və "Sıravi Raynı xilas etmək" filmlərinə görə), səkkiz Emmi mükafatı və altı Saturn mükafatı lauriatıdır.

"İndiana Cons və tale məbədi", "Bacırsansa məni tut", "Münxen", "Dünyalar müharibəsi" filmlərinin rejissorudur. “Forbes” jurnalının “Dünyanın ən varlı insanları” siyahısında 3 milyard dollarla səkkizinci yerdədir.

Günel ƏSGƏRZADƏ