Trier “Doqvill” filminə görə üzr istəyib

Sənət

Ana səhifə
Sənət

Trier “Doqvill” filminə görə üzr istəyib

1 avqust 2011

10:29

Danimarkalı rejissor Lars fon Trier 2003-cü ildə ekranlaşdırdığı “Doqvill” filminə görə üzr istəyib.

Çoxlarının fikrincə, Nikol Kidmanın oynadığı baş qəhrəmanın filmdə nifrət etdiyi bütün əhalini öldürməsi norveçli Andres Breyvik üçün nümunə olub.

Breyvikin etirafına görə, “Doqvill” onun sevdiyi filmidir və o, bu filmi tez-tez izləyirmiş.

Trier deyib ki, “Doqvill” Utoyya adasındakı faciənin ən ekstremal və xoşagəlməz şəkildə bədii təsviridir.

Trierin sözlərinə görə, bu qırğında əsas günahkar Danimarkanın Xalq Partiyasıdır. Çünki bu partiya ölkəyə islam miqrasiyasının qarşısını almağı tələb edir: “Danimarka Xalq Partiyasının siyasəti və Utoyyada baş verənlər arasında birbaşa əlaqə var”.

Partiyanın mətbuat nümayəndəsi Soren Espersen isə Trierin ittihamlarına belə cavab verib: “Bu ittihamın, Breyviki cinayətə ruhlandırdan kütləvi qırğınlar haqda pozğun filmlər çəkən nasistdən eşitmək maraqlıdır”.

Rəna Nevzat