Yerliləri Kurt Kobeyndən imtina edir

Sənət

Ana səhifə
Sənət

Yerliləri Kurt Kobeyndən imtina edir

29 iyul 2011

16:07

Vaşinqton ştatında yerləşən Aberdin şəhərinin rəhbərliyi yerli körpülərdən birinə “Nirvana” qrupunun lideri Kurt Kobeynin adının verilməsindən imtina edib.

1967-ci ildə bu şəhərdə doğulan Kubeyn adı verilməsi planlaşdırılmış körpü haqda “Something in the Way” mahnısında oxuyub.

Şəhər sakinlərindən bir çoxu rokçunun öz mahnılarında doğma şəhərini pislədiyini, həmçinin onun narkotik istifadəçisi olmağı şəhərin nüfuzuna pis təsir edəcəyini deyiblər.

Qeyd edək ki, Aberdin şəhərində Kurt Kobeynin şərəfinə gitara heykəli var. Qranj stilinin yaradıcıları olan “Nirvana” qrupunun abidəsi üzərində “On a Plain” mahnısından hissə həkk olunub.

1991-ci ildə yaranan “Nirvana” qrupu “Nevermind” albomu ilə rok tarixinin ən yaddaqalan qrupları siyahısına düşüb. Qrupun lideri Kobeyn isə 1994-cü ildə intihar edib.

Günel ƏSGƏRZADƏ