764 homoseksual eyni gündə evləndi

Sənət

Ana səhifə
Sənət

764 homoseksual eyni gündə evləndi

26 iyul 2011

11:16

Nyu-Yorkda eynicinslilərin evlənməsinə icazə verən qanun iyulun 24-də qüvvəyə minib.

Elə ilk gün 764 homoseksual evlənib. Müraciət edənlərin sayı isə 2 min 600 nəfər olub.

Qanun qüvvəyə minən kimi nikah masasına ilk oturan 23 illik lezbiyan cütlük olub.

23 ildir bərabər olduqlarını deyən 77 yaşındakı Fillis Siqel nikah mərasiminə əlil arabasında gələn 85 yaşındakı Conni Kopelovla evlənib.

Homoseksualların evlənməsinə etiraz edənlər də tapılıb. Eyni gün Nyu-Yorkun bir tərəfində toy-büsat qurulub, digər tərəfində isə buna etiraz edənlərin aksiyaları keçirilib.

Bəzi yəhudi homoseksual cütlüklər isə rəsmi nikahdan sonra dini nikah da bağlayıblar.

Eynicinsli evliliklərin leqallaşmasına dəstək verən Nyu-Yorkun bələdiyyə rəisi Maykl Blumberq bələdiyyədə işləyən iki kişinin nikah məmuru olub.

Elmin HƏSƏNLİ