Kitabçılar da mükafat alacaq

Sənət

Ana səhifə
Sənət

Kitabçılar da mükafat alacaq

20 iyul 2011

14:58

“Qanun” nəşriyyatı kitab satıcılarına hədiyyə verəcək. Bu haqda nəşriyyatın direktoru Şahbaz Xuduoğlu Kulis.az-a məlumat verib:

“Bu həftə “gizli alıcı” kitab dükanların qonağı olacaq. Onun kimliyini satıcı bilməyəcək. O alıcı olmaqla yanaşı, kənardan kitabçının kitab alanla ünsiyyətini müşahidə edəcək. Həftənin son günü, yəni şənbə günü “gizli alıcı” seçimi əsasında “Qanun” nəşriyyatının kitablarını ən yaxşı təqdim edən kitab satıcısına xüsusi mükafat veriləcək. Mükafatın məbləği 50 manatdır. Mükafat ayda iki dəfə veriləcək”.

Naşir bildirib ki, məqsəd kitab satıcılarını həvəsləndirmək və onların özlərinin də diqqətini “Qanun”un nəşrlərinə cəlb etməkdir.

Mükafat rəmzi xarakter daşıyır, gələcəkdə məbləğ artırılacaq.

Günel ƏSGƏRZADƏ