Şair Yazıçılar Birliyinə 10 gün vaxt verdi

Sənət

Ana səhifə
Sənət

Şair Yazıçılar Birliyinə 10 gün vaxt verdi

20 iyul 2011

12:44

Şaiq Vəli AYB-ə 10 gün vaxt verib ki, onu işlə təmin etsinlər.
Şair ötən gün üzv olduğu Azərbaycan Yazıçılar Birliyinin binasında iş tələbi ilə aclıq aksiyasına başlamışdı.

Üç azyaşlı uşağı ilə AYB-nin ikinci mərtəbəsində yerləşən Şaiq Vəli ötən gün axşam saatlarında aclığı dayandırıb.

Kulis.az-a açıqlamasında şair evinin və işinin olmadığını bildirmişdi.

Şaiq Vəli deyib ki, dövlət AYB-ə xeyli sayda maliyyə ayırır. Maddi vəziyyətinin ağır olduğuna görə AYB üzvü kimi ayrılan puldan bəhrələnmək istəyir. O, AYB-nin mətbu orqanlarından birində işləmək istədiyini deyib.

AYB-nin mətbuat xidmətindən isə bildiriblər ki, Şaiq Vəliyə kömək etməyə çalışacaqlar.

Şaiq Vəli dərgimizə açıqlamasında deyib ki, ona 10 gün ərzində kömək etməsələr aclığı davam etdirəcək.

Elmin HƏSƏNLİ