Sarkozinin dostu oğru çıxdı

Sənət

Ana səhifə
Sənət

Sarkozinin dostu oğru çıxdı

20 iyul 2011

12:17

Nikola Sarkozinin yaxın dostu və partiyasının səxavətli sponsoru, milyonçu 65 yaşlı Gi Vildenşteyn impressionizmə aid rəsm əsərlərinə qeyri-qanuni yolla sahib olmasına görə ittiham olunur.

Kulis.az-ın “Telegraph” qəzetinə istinadən verdiyi xəbərə görə, günahı sübut olunarsa, milyonçu 3 il həbsdə yata bilər.

Vildenşteyn institutunda araşdırma zamanı Edgar Deganın və Eduard Manenin milyon avro dəyərində olan əsərləri polisin diqqətini çəkib.

Güman olunur ki, bu sənət əsərləri Manenin varisi Anna Mari Ruarın kolleksiyasına aiddir.

1993-cü ildə isə Ruarın ölümündən sonra bütün əsərlər Vildenşteynin xəzinədarı olduğu Paris Zərif Sənətlər Akademiyasına getməliydi.

Gi Vildenşteyn əvvəllər də vergidən yayınmasına görə ittiham olunmuşdu. Amma bu Sarkoziyə onu 2009-cu ildə Fəxri Legion Ordeni ilə təltif etməsinə mane olmadı.

Milyonçu isə baş verənləri anlaşılmazlıq adlandırıb.

Rəna Nevzat