“Twitter”dən Obamaya böyük güzəşt

Sənət

Ana səhifə
Sənət

“Twitter”dən Obamaya böyük güzəşt

7 iyul 2011

16:50

ABŞ prezidenti Barak Obama dünən “Twitter”də istifadəçilərin suallarını cavablandırıb. Ancaq prezidentin cavabları 140 simvolla məhdudlaşdırılmayıb.

Moderatoru Cek Dorsi olan forumda istifadəçilər #AskObama haştaqı ilə suallarını ünvanlayıblar.

Prezidentlə ünsiyyətdə ən çox gündəmdə olan mövzular – işsizlik, vergi, borclar, marixuananın leqallaşdırılması, hətta eks prezident Corc Buş haqda suallar yazılıb.
İlk qaradərili prezidentə ən çox suallar Vaşinqton, Nyu York və Los Ancelesdən, ən az isə Hyuston və Sittldan gəlib. Ümumi tvitlərin sayı isə 70 mindən artıq olub.
Bəzi suallar isə senzuradan keçə bilməyib. Bunların arasında: “Hakimiyyətə gələndən qolf oynamağı yaxşılaşdırmısınız?”, “Buşun 8 illik hakimiyyəti dövründə işsizlik 7.3% idi. Nə vaxt yenidən bu qədər aşağı göstərici görəcəyik?”, “”o insanlar ki deyir” deyəndə kimləri nəzərdə tutursunuz?” və s. suallar olub.
Ağ evin mətbuat xidmətinin direktoru Makon Filips məqsəd amerikanlarla yeni ünsiyyətin yollarının tapılması və inkişaf etdirilməsidir.
Anoloji forumlar Facebook və YouTube vasitəsi ilə də aparılıb.
Obamanın “Tvitter” hesabı 2007-ci ildə yaradılıb, ancaq aktiv olaraq 2009-cu ildə fəaliyyət göstərib. Hazırda 9 milyona yaxın izləyicisi var.