Stinq Nursultan Nazarbayevin ad gününə getmədi

Sənət

Ana səhifə
Sənət

Stinq Nursultan Nazarbayevin ad gününə getmədi

5 iyul 2011

12:58

Tanınmış ingilis müğənni Stinq Astanada dünən keçirilməsi planlaşdırılan konsertindən imtina edib. Səbəb isə ölkədə işçi və insan haqlarının kobud şəkildə pozulmasıdır.

Müğənni Astananın paytaxt elan edilməsi və Nursultan Nazarbayevin doğum günü ilə bağlı elan olunmuş “Astana günləri” çərçivəsində ölkəyə gəlməli imiş. Ancaq o, konsertə saatlar qalmış www.sting.com saytından imtina barədə məlumat yayıb.

Müğənni Amnesty İnternationalın son hesabatlarında Qazaxıstandakı neft sahəsində işləyənlərin, mətbuat və vətəndaş təşkilatlarına təzyiqlərə qarşı: “Neft və qaz işçilərinə və ailələrinə qarşı göstərilən bu sərt vəziyyət davam edərkən mənim orda konsert verməyim qəbul olunan deyil” ifadələrini işlədib.

İnsan haqlarının qorunması ilə 40 ilə yaxındır mübarizə aparan Stinq konsert verməsini işçilərin əzilməsi, təzyiq və repressiyalara “göz yumması” anlamına gəldiyini də vurğulayıb.