Bekhem “Bitlz” albomu hazırlayır

Sənət

Ana səhifə
Sənət

Bekhem “Bitlz” albomu hazırlayır

4 iyul 2011

12:08

Məşhur futbolçu Devid Bekhem yeni doğulacaq qızına albom hazırlayır.
“Manchester United”in keçmiş ulduzu Devid Bekhem yeni doğulacaq qızı üçün “Beatles”in mahnılarından ibarət olan albom hazırlayır. Bekhem rok əfsanəsi “Beatles”i çox sevdiyindən qızının da qrupun mahnıları ilə böyüməsini istəyir.
Xəbəri isə futbolçunun həyat yoldaşı Viktoriya Bekhem şəxsi “Twitter” səhifəsində yayıb: “Devid “Beatles”ın mahnı arxivini hazırlayır. Qızımızın laylası rok olacaq. “Beatles”i sevirem!”.
Cütlüyün digər üç övladı - 12 yaşlı Bruklin, 8 yaşlı Romeo və 6 yaşlı Kruz bacılarını qrupun “Hey Jude” mahnısı şərəfinə “Jude” adlandırmaq istəyirlər. Hələlik isə cütlük dördüncü övladlarının adını sirr saxlayır.
“Space Girls” qrupunun keçmiş solisti Viktoriya Bekhem uşaqlarının onun kimi musiqiyə yaxın olmasından çox məmnun olduğunu da “tvit”ləməyi unutmayıb.

Günel Əsgərzadə