Müxalif sənətçinin 2 milyon borcu var

Sənət

Ana səhifə
Sənət

Müxalif sənətçinin 2 milyon borcu var

30 iyun 2011

13:16

Bu yaxınlarda azadlığa çıxan Çinin müxalif sənətçisi, rəssam Ai Veiveinin “cəzası” bəlli olub. Vergidən yayınma səbəbi ilə tutulan sənətçiyə iki milyon dollara yaxın cəza kəsilib.
Sənətçini dəstəkləyənlər pulun ödənməsi üçün bir kompaniya başlayıblar. Vergi cəzasını ödəmək haqda Ai-yə xəbərdarlıq edilib və üç gün müddətində möhlət verilib.
Müxalif fikirləri ilə tanınan sənətçi aprel ayının əvvəllərində həbs olunub. Pekin Hava limanında saxlanıldıqdan sonra ondan xəbər almaq mümkün olmayıb. Bir neçə gün sonra isə onun “şübhəli iqtisadi cinayətlər” müddəası ilə həbs olunduğu bildirilib. Bu hadisə ilə bağlı Almaniya, Fransa, Avstraliya və digər ölkələrin baş nazirləri Çin hökümətinə müraciət edib. Sənətçi yaxın günlərdə azadlığa qovuşub.
Onun tutulmasına əsl səbəb kimi sənətçinin hökumətə qarşı səsləndirdiyi fikirləri olub.

Günel ƏSGƏRZADƏ