Azərbaycan Dövlət Akademik Opera və Balet Teatrı “Nizami ili” çərçivəsində Fikrət Əmirovun “Nizami” baletini səhnəyə qoyacaq.

Teatrdan APA-ya verilən məlumata görə, layihənin rəhbəri Əməkdar incəsənət xadimi Akif Məlikov, musiqi rəhbəri və dirijoru Əməkdar artisti Əyyub Quliyev, libretto müəllifi Əjdər Ulduz, quruluşçu baletmeysteri Xalq artisti Kamilla Hüseynova, quruluşçu rəssamı isə Əməkdar Mədəniyyət işçisi Tehran Babayevdir.

Balet Azərbaycan və dünya poeziyasına dəyərli incilər bəxş etmiş şair və mütəfəkkirin həyat və yaradıcılığına həsr edilmişdir.

• Azərbaycan London Beynəlxalq Kitab Sərgisində
• “Mənə çox təzyiq var” - Skarlet niyə sosial media hesabı açmır?
• Hər çobanın əlinin altında alimlər işləyə bilər - Yalçın İslamzadə

Hazırda səhnə əsərinin dramaturji və musiqi materialı üzərində son redaktə işləri həyata keçirilir, tamaşanın dekorasiya və kostyum eskizləri hazırlanır, sxematik xoreoqrafik kompozisiyası müəyyən olunur, rol bölgüsü aparılır. Teatr yeni quruluşunu bu ilin yazında tamaşaçılarına təqdim etməyi nəzərdə tutub.

Qeyd edək ki, Prezident İlham Əliyevin sərəncamı ilə 2021-ci il dahi Azərbaycan şairi və mütəfəkkiri Nizami Gəncəvinin 880 illik yubileyi şərəfinə “Nizami Gəncəvi ili” elan edilib.

• Azərbaycan London Beynəlxalq Kitab Sərgisində
• “Mənə çox təzyiq var” - Skarlet niyə sosial media hesabı açmır?
• Hər çobanın əlinin altında alimlər işləyə bilər - Yalçın İslamzadə