Yatmış göyərçinləri azan səsi oyatdı - Ruslan Mollayevin şeirləri

Ruslan Mollayev

Ruslan Mollayev

3 aprel 2025
# 15:00

Kulis.az Ruslan Mollayevin yeni şeirlərini təqdim edir.

Müqəddəs inəyin əti haramdır,
Dostun da.

***
İblisin şərindən uzaq: Bismilləh!
Tənhalıq.

***
Bəlkə də, hər gecə səhərə doğru
Doğulur yeni Günəş xəbərimiz yox.

***
Məscid,
"Quran" sinədə,
Gözlər açıq, zikr edir.
Yatmış göyərçinləri azan səsi oyatdı.

***
Hər şey təkdi dünyada
Allah da, Günəş də, Sən də
Ancaq Günəşə də ulduz deyirlər.

***
Əlini ver əlimə
Saat bizi göstərir.

***

And olsun əsr vaxtına, onu yalnız o böyük qüvvə bağışlaya bilərdi
Bir də o yola qayıdıb Yusifin köynəyini geyinməsə,
And olsun məğribə,
ipin rəngi bilinməz halda
onun əsl simasını görmək olmurdu.
Hər şey dəyişmişdi
zamanın oxu belə başqa halqada dövr edirdi
bizi görənlər
hardan gəldiyimizi bilmirlər.
bu o qədər də vacib deyil
vacib olan rəftardı
əxlaqdı
əməldir...
Sözün dəyəri Şərqin bayraq üzərindəki qan ləkəsi qədər dəyərli
yazda açan çiçəklər qədər cazibədardı.

***
Alimlərin saatlarla laboratoriyada icad etmək istədiklərini
anında yazmaqdı şairlik
toxunmaqdı toxunuşsuz...

***
Cəmin birləşməsində
tək qüvvəyə inanmaq
Yerin torpaq qatını
dəlib
göylərə qalxmaq
Alovdan büt düzəldib
qaranlıqlara atmaq
Yaşamaqdır yaşamaq
yaşamaqdır
şairlik.

***
Qürbətdə keçdiyimiz küçə bir şəkil kimi qalar xatirəmizdə,
Bizim sözümüz də kiminsə ağlında eləcə ilişib qalar.

***
Hər şeyin zayı çıxıb deyilirdi 30 il əvvəl...
"Çıxıb" sözü bizi çaşdırır bəzən
Çıxan çıxıbsa,
yerdə salamatı qalır axı
sən demə,
məxfilər aşkarın sirri imiş...
qəfildən dəyişir sözün bədəni
yuxular göylərin örpəyidirsə, əllər güllərin bədənidir.
Su sevgidən yaranır.
Eşq gözəllikdən
bəhanələr yalanın anası
qalan naxələfliklər isə qohum-əqrəbadır
Darıxma...
Bir gün rahatlıqla qəbul edəcəksən,
düşündürmək susmaqdan daha qiymətli.
tərsirlənmək seçim qədər önəmlidir.
Günəş hər şeyi həll edir
İcazə ver həmişə işıq olsun!

***
Bu gün heç darıxmayacam,
Bütün günahlarım mənimlədir.

***
Göydən üç alma düşdü
Hamısı sizin olsun.

# 581 dəfə oxunub

Oxşar xəbərlər

Tənlik işarəsidir güllələr! - Günün şeiri

Tənlik işarəsidir güllələr! - Günün şeiri

14:41 1 aprel 2025
Ayaqyalın gəzsən, ayaqların döşəməylə öpüşəcək -  Alov İnannanın şeirləri

Ayaqyalın gəzsən, ayaqların döşəməylə öpüşəcək - Alov İnannanın şeirləri

17:00 31 mart 2025
Sizi unutmayacaq şanlı millətim əsla - Ən məşhur soyqırımı şeiri

Sizi unutmayacaq şanlı millətim əsla - Ən məşhur soyqırımı şeiri

11:05 31 mart 2025
Nə atan, nə anan, nə sevdiyin qadın... - Malik Atilayın yeni şeirləri

Nə atan, nə anan, nə sevdiyin qadın... - Malik Atilayın yeni şeirləri

14:20 28 mart 2025
Oyanmazmı, kor olası
baxtım, oy?! - Şair, mühacirət və sevgi

Oyanmazmı, kor olası baxtım, oy?! - Şair, mühacirət və sevgi

10:00 25 mart 2025
Saz bayramı, caz bayramı, qoz bayramı - Novruz şeirləri

Saz bayramı, caz bayramı, qoz bayramı - Novruz şeirləri

12:00 21 mart 2025
#
#
# # #