Kulis.az Roman Səfərovun Xalq şairi Musa Yaquba həsr etdiyi şeiri təqdim edir.
Böyük sənətkar, əvəzolunmaz şair Musa Yaqubun əziz xatrəsinə ithaf olunur
Musa Yaqub, sən gedəli, qəribsədi çiçəklər.
Göz yaşını tökdü bulud, əsdi soyuq küləklər.
Bulanıq su orda axıb hopdu qara torpağa
Burda üzə çıxammadı, dönəmmədi irmağa
O daş var a... Çevirdilər gahi sola, gah sağa
Yox olmuşdu pələnglərin biləyitək biləklər.
Döyünmürdü aslanların ürəyitək ürəklər.
Səndən sonra burda yaman soyuq keçir havalar
Quşlar bizə qonaq gəlmir, boş qalıb çöp yuvalar
Zənn etmə ki, yaralarım qaysaq tutar, sağalar,
Çıxdı boşa xəyalımda yaşatdığım diləklər
Üzdü məni saman altdan su yeridən kələklər.
İstəyirdin öyrətməsin yarın səni özünə
Nə əlini əllərinə, nə gözünü gözünə
Amma özün öyrətmisən hamını öz sözünə
Alıb səni qanadına, aparsa da mələklər,
Şeirlərin ruhumuzu naxışlayar, bəzəklər.
16. 06. 2021.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər