Həyat mum kimi əriyib sönür... - Malik Atilayın yeni şeirləri

Həyat mum kimi əriyib sönür... - Malik Atilayın yeni şeirləri
27 may 2024
# 17:00

Kulis.az Malik Atilayın yeni şeirlərini təqdim edir.

Bizim küçənin yolları


Bu məhlənin bir yolları var idi,
Gəl görəsən
Dərsdən gələn sevgililər
Bu yol üstə gözucu baxıb
Yola salardılar bir-birini
Nə toy karvanlarının qarşısını kəsərdi burda uşaqlar,
Nə əsgər yola salan olardı burda.
Uzaqlar nədi bilməzdi bu yol.
Bəlkə, yolların sonu elə bu məhlə idi...
Bəlkə, yollar əsasını burdan alırdı elə.

Bu məhlənin bir yolları var idi,
Gəl görəsən,
Səkisində qovrulmuş günəbaxan satan nənə,
Səkisində dəli Səkinə.
Burdan keçən hər kəsə
Bir ağız dua edib yola salardılar.

Bu yoldan keçməzdi kədər,
Bu yoldan keçməzdi ölüm,
Bu yoldan keçərdi hər səhər
Çörəyin dalınca gedən adamlar.

Bu məhlənin bir yolları var idi,
Gəl görəsən...


Bir şair, bir misra


Bir şairin
Min şeirini
Min cəllad yandırdı
Amma
Bir şairin
Bir misrası
Min cəlladın xatirəsini də yaşatdı ovuc içi boyda varaqda


Gedənlər və qalanlar


Həyat mum kimi əriyib sönürdü.
Dönürdü tanıdığın, tanımadığın insanlar
Bir ovuc torpağa,
Bir əlçim şəklə daşların üstə.
Limanlarda,
Vağzallarda,
Aeroportlarda əl yelləyib yola salırdı gedənlərini.
Bəlkə, dumanları fikirləri qovurdu başından

Qalanlar
Çevrilirdi kədərdən büstə
Çevrilirdi bir ümidlə
Gedənlər qalanları olduğu kimi tapalar, bəlkə...

# 1786 dəfə oxunub

Oxşar xəbərlər

"Gözlərimə doldurmuşam yağışı..." - Günün şeiri

"Gözlərimə doldurmuşam yağışı..." - Günün şeiri

10:12 15 oktyabr 2025
"Əlisəmid Kür bunu deyərdi, siqaretini tüstülədərdi" - Həmid Herisçi

"Əlisəmid Kür bunu deyərdi, siqaretini tüstülədərdi" - Həmid Herisçi

17:50 14 oktyabr 2025
"Məmməd Araz şairlərin ən varlısıdı..." - Firidun Ağazadənin yeni şeiri

"Məmməd Araz şairlərin ən varlısıdı..." - Firidun Ağazadənin yeni şeiri

12:30 14 oktyabr 2025
"Biz onsuz da həmişə ikimizin cahanda..." - Günün şeiri

"Biz onsuz da həmişə ikimizin cahanda..." - Günün şeiri

14:00 11 oktyabr 2025
"Haçan dəfn elədiniz ayaq səslərimizi?" - Fərid Hüseynin yeni şeirləri

"Haçan dəfn elədiniz ayaq səslərimizi?" - Fərid Hüseynin yeni şeirləri

16:02 10 oktyabr 2025
"Sənin adın qışda qarı öpməkdi" - Günün şeiri

"Sənin adın qışda qarı öpməkdi" - Günün şeiri

18:11 8 oktyabr 2025
Ana səhifə Yazarlar Bütün xəbərlər