Güllələr demədi geri qayıdın – İsa İsmayılzadə

Güllələr demədi geri qayıdın – İsa İsmayılzadə
10 fevral 2025
# 09:41

Kulis.az İsa İsmayılzadənin "Güllələr demədi" şeirini təqdim edir.

Getdilər. Getdilər fit çala-çala,
Getdilər atları çimizdirməyə –
Bizi aparmadılar,
Qulançar yığmağa, moruq dərməyə
Bizi aparmadılar.

Yalvarıb-yalvarıb, dil tökəndə biz
onlar üstümüzə ol ələdilər,
qışqırıb-təpinib, hədələdilər:
«Hələ uşaqsınız… nə yaşınız var…»

Bir gün xəbər gəldi: dava başlanıb…
Onlar əsgərliyə çağırıldılar.
Nə tütək çaldılar, nə fit çaldılar,
fikirli oldular, ağır oldular…

Yola salanlara qoşulanda biz
yalvarıb-yalvarıb, dil tökdü onlar:
«Gəlməyin, qayıdın… geri qayıdın…
Qayıdın atları çimizdirməyə,
Qulançar yığmağa, moruq dəyməyə».

Biz getdik atları çimizdirməyə,
qulançar yığmağa, moruq yeməyə:
düşüb arxamızca gəldi uşaqlar.
Dilimiz gəlmədi bir söz deməyə.

Onların yoxluğu düşdü araya,
Oyunlar, «məclislər» qaldı yarımçıq.
Toylar da seyrəldi, toyxanalar da,
aşıq da havanı çaldı yarımçıq –

Kəndimiz yamanca uralanmışdı,
hərdən korun-korun yanırdı ocaq.
Bir ağzıgöyçək də qaralanmışdı:
«Deyəsən, gedənlər qayıtmayacaq» -

Mərmilər, güllələr fit çala-çala
Hey böyür-başından ötdü onların.
Kətmən vura-vura, ot çala-çala
baxdıq yollara.

Getdilər, getdilər Berlinə sarı,
getdilər, getdilər ölümə sarı.
Güllələr demədi: geri qayıdın.
Lülələr demədi: geri qayıdın,
qəlpələr demədi: geri qayıdın,
hələ uşaqsınız, nə yaşınız var…

1971

# 1542 dəfə oxunub

Oxşar xəbərlər

Bu şəhərdə atalar gecə rahat yatacaqlar - Gülay Tahirlinin şeirləri

Bu şəhərdə atalar gecə rahat yatacaqlar - Gülay Tahirlinin şeirləri

15:41 12 mart 2025
Mən dövlətli ailədə doğulmadım – Günün şeiri

Mən dövlətli ailədə doğulmadım – Günün şeiri

11:30 12 mart 2025
Sənsizlik rəngdə imiş dünya - Hafiz Hacxalılın yeni şeirləri

Sənsizlik rəngdə imiş dünya - Hafiz Hacxalılın yeni şeirləri

17:49 11 mart 2025
Bir evdə iki xanım, hərəsinin öz istəyi... - Tahir Taisoğlunun şeirləri

Bir evdə iki xanım, hərəsinin öz istəyi... - Tahir Taisoğlunun şeirləri

17:07 10 mart 2025
"Dilləri lalım, necəsən?" - Günün şeiri

"Dilləri lalım, necəsən?" - Günün şeiri

13:08 10 mart 2025
Adların alın yazısı - Anar Aminin şeiri

Adların alın yazısı - Anar Aminin şeiri

12:34 8 mart 2025
#
#
# # #