Mövzusu maraqlıdır, dili maraqsız - Hekayə müzakirəsi

Mövzusu maraqlıdır, dili maraqsız - Hekayə müzakirəsi
8 fevral 2023
# 15:00

Kulis.az "Hekayə müzakirəsi" layihəsindən Alpay Azərin "Viktoriyanın sirri" hekayəsi haqqında yazarların fikirlərini təqdim edir.

Rasim Qaraca

Rasim Qaraca - Ra günəş deməkdir, Rasim...

“Parisdə az qala hər üç küçədən birində fahişə tapmaq olar. Axı bizdə seksual inqilaba nə ehtiyac var” - cümləsindən sonra hekayəni oxuya bilmədim. Müəllifə məsləhət görərdim öz gerçəklərimizi yazsın, Fransa prezidentinin həyatından yazmaq üçün onların öz yazarları var.

Aqşin Yenisey

Aqşin Yenisey: "Bu şeirlər Qarabağda ermənilərin qətlə yetirdikləri  azərbaycanlıların əlinə keçsə..." - Açıqlama

Hekayənin mövzusu maraqlı idi, dili maraqsız. Ya da hekayənin təqdimindəki "Siyasi-psixoloji tipajlar" başlığı gözləntilərimi doğrultmadı. Çünki siyasi və psixoloji tipaj üçün fon vacib detallardan biridir. Söhbət ondan getmir ki, filmlərdə olduğu kimi psixoloji tipajın yan-yörəsində mütləq ildırım çaxsın, nəsə üsluba psixoloji rəng verən bir şey fikirləşmək olardı. Alpay bəyin bu hekayəsində isə psixoloji fon yoxdur deyə tipajlar cansızdır, özünəməxsusluqları ya azdır, ya da yoxdur. Amma mövzu baxımından hekayənin ədəbiyyatımızın Biləcəri səddini aşması uğurludur.

İlham Əziz

İlham Əziz: "Evimi yıxan Araz..." » Manera.Az

Alpayın hekayəsi siyasi nəsrin elementlərini özündə ehtiva edir. Bizim nəsrdə bu qəbildən hekayələr, demək olar ki, yoxdur. Hekayənin onlayn olması, bu günün reallıqlarını özündə əks etdirməsi yaxşı haldır. Hekayənin ən xoşum gələn tərəfi, həm də mətni quruluqdan xiıas edən yönü hadisənin sonlarda insan taleyinə enməsidir. Nazir vəzifəsindən istefa verib “kaskadyorluq” eşqinə düşən adamın taleyi hekayə mövzusudur, ədəbiyyatdır. Düzdü, Alpay xarakteri tam açmayıb, tələsib. Hekayəni canlı orqanizmə bənzətsək deyə bilərik ki, bütün orqanlar sağ-salamatdır, bircə ürək xəstədir, o ruhu bədənə ötürə bilmir. Ürək də ki “yaman şeydir”. Arada fikirləşirəm ki, bəlkə də, tərcümə prosesində dilindən şikayət etdiyim Alpayın hekayələri daha salamat çıxar, nəinki bizim bağlı-bağatlı hekayələrimiz. Hər halda, hekayəni Alpayın ən yaxşılarından sayıram, təbrik edirəm!

Təvəkkül Boysunar

Elektron gündəlikdən səhifələr - Təvəkgül Boysunar yazır

Hekayəni necə başlayıb bitirdiyimi, demək olar ki, hiss etmədim. Çünki ustalıqla, gözəl şəkildə yazılıb. Nəticədə çox maraqlı alınıb. Bir sıra siyasi məqamları, məsələn, Fransa prezidentiylə müdafiə nazirinin dialoqunu öz əsərində əks etdirməyə, yəqin ki, çox yazıçı cəsarət etməz. Çünki bunun təbii və inandırıcı alınacağına inanmaq müşkül məsələdir. Amma müəllif, hekayəyə elə girişib ki, qarşısında onu gözləyə biləsi təhlükə və uğursuzluğun nəfəs almasına, göz açmasına belə imkan verməyib və elə bu səbəbdən də həm hekayəyə axıcılıq qazandıra bilib, həm qeyd etdiyim siyasi məqamları olduqca təbii göstərərək oxucuda şübhə yaranmasına izn verməyib, həm də mütaliənin zövqlü olması üçün lazım olan məqamları təmin edə bilib. Yazıçı üçün çox vacib olan uydurma ustalığının, maraqlı tərzdə yaza bilmək bacarığının uğurlu əksini bu hekayədə görmək mümkündür. Sonluqda da oxucunu təəccübləndirməyə nail ola bilib. Müəllifi təbrik edirəm və uğurlar arzulayıram.

Orxan Həsəni

Orxan Həsəni - 1000Kitap

Alpay Azərin hekayəsi maraqlı idi. Təbrik edirəm.

# 4982 dəfə oxunub

Oxşar xəbərlər

"Kişisi olmayan bir qadın istənilən kişi ilə qarşılaşanda..." - Doris Lessinqdən sitatlar

"Kişisi olmayan bir qadın istənilən kişi ilə qarşılaşanda..." - Doris Lessinqdən sitatlar

15:00 17 noyabr 2026
Atalar və oğullar - Rüstəm Dastanoğlunun hekayəsi

Atalar və oğullar - Rüstəm Dastanoğlunun hekayəsi

09:56 16 noyabr 2026
"İçimizdə düşmənimizin ölümünə sevinməyə imkan verməyən əxlaqi instinkt var..." - Henrik Senkeviç

"İçimizdə düşmənimizin ölümünə sevinməyə imkan verməyən əxlaqi instinkt var..." - Henrik Senkeviç

14:00 15 noyabr 2026
Ər-arvad təhlükəsizliyi ongünlüyü - Salam Qədirzadənin hekayəsi

Ər-arvad təhlükəsizliyi ongünlüyü - Salam Qədirzadənin hekayəsi

10:00 15 noyabr 2026
İşarələr və rəmzlər - Vladimir Nabokovun hekayəsi

İşarələr və rəmzlər - Vladimir Nabokovun hekayəsi

10:00 14 noyabr 2026
"Vüqar da daxil olmaqla bir neçə imza var ki, onları bəyənəndə..." - Hekayə müzakirəsi

"Vüqar da daxil olmaqla bir neçə imza var ki, onları bəyənəndə..." - Hekayə müzakirəsi

12:05 12 noyabr 2026
#
#
Ana səhifə Reels Yazarlar Xəbərlər